أهدافنا
هنا هنحاول نجاوب على ليه مهم نحافظ على وجود المجمع و نصرف عليه فلوس و مجهود و وقت، و لو هنطور و نغير ايه الأهداف اللي عايزين نحققها.
دي مش محاولة لكتابة نص يوصف المجمع دي محاولة لفهم المجموعة اللي بتتناقش دي مهتمة بالموضوع ليه و شايفة ايه، أقترح نبدأ بأن كل واحد يكتب هو بيستخدم المجمع ليه (اذا كان بيستخدمه) و بيرشحه لقراء ليه اذا كان بيرشح و بيرشحه لمدونين يضيفوا نفسهم ليه اذا كان بيرشح برضه.
دي صفحة ويكي أعمل edit للصفحة و ضيف فيها كلامك مباشرة، خلوا التعليقات للأسئلة و التعقيب مش لاضافة أهداف. و لو عاجبك هدف كاتبه حد ثاني بس مش عاجباك الصياغة متتكسفش حرر و عدل في كلام زميلتك النظام هيفضل فاكر كل التعديلات و نقدر نرجع اللي راح لو فيه ضرورة.
الهدف من المجمع (ايه اللى يخلينى استخدم المجمع)
- مَعبر للقراء إلي المدونات المصرية , يساعدهم علي التعرف علي المحتوي الحديث للمدونات , و يفضل جدا أن يكون المحتوي مصنف أو به آلية للتفضيل و التزكية لتدوينات بعينها من قبل القراء أنفسهم .
- دعم المدونات المصرية المسجلة بجعلها مقروءة بشكل أكبر من قبل مستخدمي المجمع ,و مساعدة المدونات الجديدة في تقديم نفسها.
- مساعدة مجموعات مختلفة من المدونين على التشبيك بغرض التعاون و العمل المشترك (من أول مصر مش كده مرورا بمدونات بلا بذائات لحد كلنا ليلى دي كلها حاجات استفادت من وجود مجمع عشان تتعرف على بعض و توصل لجمهور أوسع)
- دعم الصحافة الشعبية بمكان مركزي يقدر الصحافيين و النشطاء و باقي الخلق اياها يتابعوه بسهولة .
- خلط صور و أنواع مختلفة من التدوين بيشجع الناس أنها تجرب حاجات جديد (ثقافة متخلفين من أجل التغيير انتشرت في أجواء المسيسين، المشاركة السياسية فكرة اتعلموها شباب كثير عن طريق المدونات و قاموا شاركوا في مراقبة الانتخابات مثلا لو مكانش فيه مجمع كان ممكن نسبة منهم تقرر أن السياسة مش موضوعها و لهاش فيه، أكيد فيه أمثلة عكسية ناس مهووسة بالسياسة و شافتلها حاجة مسلية أكثر و أفيد تعملها عن طريق المدونات، أنا شخصيا اتعرفت على كتب و مزيكا و أفلام جديدة عن طريق مدونات كان لا يمكن أفكر أتابعها بنفسي).
- المجمع بيظهر و أحيانا بيربي الميمات (ثيمة التحرش الجنسي مثلا كانت بتكبر و تنتشر على المدونات ببطء قبل أحداث وسط البلد)
- نظريا ممكن لأي حد يتابع عدد كبير من المدونات باستخدام برامج أو خدمات تجميع كثيرة زي الهم على القلب، أغلبية الناس معندهاش أي فكرة عن أي حاجة تقنية و مش ناوية يبقى عندها فكرة، المجمع المركزي بديل (و الحقيقة أنه مش بديل للجهلة و الكسالى و الغلابة فقط، مفيش برامج تجميع كويسة بجد حاليا و عملية اكتشاف المدونات شاقة المجمع بيوفر جهد حتى للمذاكرين).
- توفير تلقيمة أو تلقيمات عديدة تربط للتدوينات مباشرة--بدلا من المرور على صفحة المجمع في الوضع الحالي--يظهر أن مؤلفيها هم مؤلفي التدوينات و ليس علاء.
- تصفح التدوينات بالتصنيفات
- متابعة الاخبار/الانفرادات التى تقوم برصدها الصحافة الشعبية (وهنا مشكلة، هى محلولة فى المدونات المتخصصة فى الاخبار زى الوعى المصرى، لكن المشكلة فى المدونات الكوكتيل، ازاى نقدر نحط تدوينات الخبر فى مجمع منفصل عن تدوينات الرأى والحواديت والتحليل)
- متابعة جديد المدونات المفضلة لدي (امكانية قيام اعضاء المجمع بعمل صفحة "مفضلة")
- التعرف على المدونات المصرية الجديدة (من خلال قائمة بأحدث المدونات المنضمة حديثا للمجمع)
- تجميع التدوينات "ذات العلاقة الواحدة" يعنى مرتبطة بموضوع واحد، او مرصودة لدعم موضوع واحد
- التركيز على الاحداث و القضاية التى تقابل تهميش و تجاهل اعلامى مثل قضية المرءة واحترامها فى الشارع المصرى او حرية الاعتقادو التعبير بشكل يسمح بتوصيل وجهات النظر المطمورة للقارء العادى.
- عايز ااكد على تفرد كل مدون احنا مش قطيع مدونين احنا مجموعة لها اهتمام مشترك كتير هنختلف و دة طيبعى.
- الحفاظ على أرشيف للمدونات التي اختفت من على الوب
بص بقى فايدة اللعبة دي، لو مثلا مثلا مثلا يعني كلنا اتفقنا أن دعم الصحافة الشعبية هدف نبيل و معرفش ايه ممكن ناخد قرار بضرورة وجود صفحة بنلم فيها التدوينات اللي أحنا شايفين أنها مهم أن صحفيين و نشطاء و مظاهرجية و هتيفة و خبراء و صناع قرار و معرفش ايه يشوفوها بما أن الناس دي مش بالضرورة هتتابع كله، لكن لو طلع أن علاء بس اللي فارقة معاه دي يبقى ممكن نقرر أن لأ ملوش لازمة نعمل الموضوع ده.
ممكن تكتب اللى يجي على بالك دلوقتى، وكل ما تفتكر حاجة تعالى اكتبها، مش لازم تستنى كتير عشان تجمع كل الاهداف
- Printer-friendly version
- Login to post comments
- 1454 reads
Syndicate
Comments
طيب هقترح الية
طيب هقترح الية مبدئية لتسليط الضوء على التدوينات و الافكار .دلوقتى فى حوالى 16 عضو(الرقم دة صح؟) فى اللجة الاستشارية العليا لو اتقسمت المدونات عليهم يعنى كل واحد مسؤل عن قرائة عدد ما من المدونات و يختار منها الى محتاج تصليت ضوء او اهتمام.
عدد المدونات حوالى 3000-5000 حاليا اكيد مش كل واحد بيكتب كل يوم على ما اظن مش هيعدوا ال 10% فعملية الفرز لو اتقسمت على 16 شخص مش هتكون مستحيلة. التقسيم يكون عشوائى يعنى محدش يتخصص فى السياسة او فى الادب بس لا التقسيم بالعدد او ممكن اللغة. يكون فى softwear يبين لكل واحد الجديد فى المدونات الى مطلوب يبص عليها( معرفش دة ممكن من النحية التقنية ولا خيال علمى) لازم يكون فى حد تانى بيقرر مدى اهمية الكلام مش شخص واحد بس ممكن لجنة او منال و علاء بصفتهم اصحاب الفكرة. ممنوع التريقة يعنى محدش يحط تدوينى لواحد تانى و هاتك يا سلخ فى الراجل .
عيوب الكلام دة : زيادة عدد المدونات و التدوينات معناة شغل زيادة او ناس جديدة الموضوع هيبقى هرتلة لو بقى عندنا 100000 مدونة مثلا. لو القائم بالقرائة كبر دماغة ممكن حجات مهمة تعدى . الاختيار هيبقى حسب زوق الى بيقراء , بس ممكن نتفق على معير معينة لتلافى المشكلة دية.
آلية
أعتقد إن فكرة الـ editor فى dmoz.org مفيدة كآلية فى هذا المقام. الفكرة قائمة على تطوع البعض فى تصنيف بعض المواقع الخاصة بموضوع معين (category) + إضافة الجديد من المواقع لهذا الموضوع. بالنسبة لنا على المجمع ممكن يكون فيه Editor أو أكثر متخصص فى عدد من التصنيفات المهمة بالنسبة له، مثلاً شخص أو أكثر يهتم بالتدوينات السياسية وأخرين بالتدوينات القصصية وهكذا. أيضاً وجود Senior Editor مفيد لمتابعة نشاط الصف الأول.
يبقى خلينا
يبقى خلينا نقول أنك عايز لجنة تقوم بمتابعة كل المدونات و تزكية تدوينات بعينها. ده اقتراح لطيف و أظنه ممكن، تفاصيل يتنفذ ازاي سيبنا منها دلوقتي.
آليات التزكية
تزكية مدونات ممكن أن يبنى على 3 أسس:
أعتقد وجود الثلاث طرق يجعل المجمع أكثر من هدف ويرضى الكثير من القراء فى نفس الوقت.
كلام جميل، و ده
كلام جميل، و ده يتماشي مع تقسيمة فئات الزوار فدور هيئة التحرير هيبقى التخديم على الصحافيين و النشطاء و ما شابه (مش معناه بالضرورة السياسة فقط، لو عندنا محررة مهتمة بالجوانب الرياضية و محرر مهتم بالجوانب الأدبية أهلا و سهلا)، التصويت يكون من الزوار المواظبين و المسجلين مثلا و ممكن يبنى عليه فلترة تشاركية و عدد الزيارات يبنى عليه التزكية للمجاهيل و الغير مواظبين.
أو توليفة في السكة دي، لكن مبدأيا فكرة لطيفة.
أفكركم بس أن دي خطط طويلة المدى فيا ريت محدش يحبط من الرتم البطيئ، كمان مفيش أي استثمار في جهود خرافية لحد ما يبان المستقبل المادي.
علاءانا فى
علاء انا فى دماغى موضوع التحرشات, النشطاء كتبوا الى شفوة(مالك ,وائل عباس ,شرقاوى,جيمى) و موقع علاء و منال نشر الروابط فى مكان واضح و لمدة تلات ايام تابع الروابط الجديدة فى الموضوع دة .اكيد دة ساعد على نشر الموضوع بين الناس. طيب دلوقتى منال وعلاء المدونة هتنفصل عن المجمع . فى ناس كتير بتدخل منال وعلاء علشان تقراء اخر التدوينات الى نزلت الناس دية هتتنقل للمجمع . لو حصل بلوة او حاجة محتجين نركز عليها و متبقاش مجرد تدوينة و كام تعليق و السلام انهى مكان هيديك نسبة قراءة اكتر؟ اكيد المجمع.
حاجة كمان المجمعات الى شفتها مبتركزش على مواضيع معينة بتعرض الجديد و بس . وانا عايز ميكونش دة وضع المجمع العمرانية(مئاقاتا). بفترض ان راجل الشارع بياخد موقفة من القضاية لانة واقع تحت اعلام موجة , خطوة كبيرة انك توصل الواقع المدفون دائما ودة دور مهم للمجمع.فرض كمان ان بالزيادة الى المجمع بيشوفها بعد سنتين كمان حجم المستخدمين هيكون بالضخامة الى تخلى المجمع ممكن يخلق نقاش فى النوع دة من المواضيع
ممكن نقول: التركيز على الاحداث و القضاية التى تقابل تهميش و تجاهل اعلامى مثل قضية المرءة واحترامها فى الشارع المصرى او حرية الاعتقاد و التعبير بشكل يسمح بتوصيل وجهات النظر المطمورة للقارء العادى.
اه كده فهمت،
اه كده فهمت، أظن في قائمة الأهداف في أكثر من حاجة في نفس السكة، يعني تقدر تقول أننا متفقين أن مطلوب غير المجمع الأوتماتيكي تركيز و تزكية لمواضيع أو حملات بعينها.
ده غير أن يبقى فيه أول بأول متابعة للعمل الأخباري على المدونات.
فاضل بقى نتفق على آليات ده، طبعا وجود مدونة مع المجمع كان مخلي الأمور دي سهلة جدا.
يا يوسف هل نقل
يا يوسف هل نقل النقاش خارج وب دي وظيفة المجمع؟ أظن وجود مدونين ناشطين في مجالات مختلفة في حد ذاته كافي لنقل النقاش من مجرد دوائر حوار سيبرية الى مستوى مختلف و يمكن هنا يكون اللي مطلوب أننا نفكر ازاي نجتذب ناس من خلفيات متنوعة أكثر للتدوين و ازاي نقنع اي حد بيحاول يكون مؤثر في مجتمعه (أيا كان نوع التأثير أو المجتمع) أن المدونة أداة أساسية ليه.
لكن تاني هسأل هل فيه حاجة خاصة بالمجمع بالذات تقدر تخدم الكلام ده؟
حلو قوي أظن لو
حلو قوي أظن لو نصف المسجلين شاركوا و كتبوا أهدافهم هنوصل لصورة كاملة لأحنا عاوزين نروح فين و نقدر منها نطلع بخطط تفصيلية و مهام تتوزع.
طبعا الأهداف دي بتعبر عن طموحات جامدة قوي و أتصور أنها هتاخد وقتها في التنفيذ.
يا ريت اللي وصف حلول يحاول يدردش أكثر في هو شايف فائدتها ايه، لسه يا عمرو مش عارف فائدة قائمة المدونات مثلا.
علشان كدا
المعرفة حاجة كويسة، و الا إيه رأيكم؟
http://gharbeia.net
أيوه كده شوف
أيوه كده شوف لما شرحت فيه تفاصيل مهمة بانت ازاي.
موافقك أن دليل موسوم جغرافيا و يمكن موسوم بطرق ثانية كمان ممكن يكون مفيد، لكن تعالى نقول أن عمليا ده هيبقى كود مختلف تماما عن المجمع (يمكن يستفيد من تفاصيل فيه أو يبقوا وحدتين على اتصال ببعض لكن أكيد دي وحدة مستقلة).
فاقتراحي هو أننا نتعامل مع الدليل و مع الأسئلة الشائعة بتاعت أدون ازاي و كده على أنه مشروع آخر، منطقي طبعا المشروع ده يتنفذ في نفس النطاق بتاع المجمع.
أنا بقترح نجمع المشاريع الفرعية عن المجمع في صفحة لوحدها و نأجل النقاش فيها لحد ما نقطع شوط في المواضيع المرتبطة ارتباط مباشر بالتجميع و اعادة النشر.
و خلينا برضه عشان نكون واضحين نقول أن كلمة مجمع مقصود بيها البرنامج أو الوظيفة بتاعت التجميع مش الموقع كله.
بالنسبة للمجمع صرف، اظن مهم برضه يكون فيه قائمة بالمدونات المشاركة فيه و شوية احصائات بسيطة عنها.
نقلت المشاريع
نقلت المشاريع الفرعية هنا
هممم فيه خلط
هممم فيه خلط شوية ما بين أهداف و ما بين آليات محددة لتحقيق الأهداف، لو عايز ترمي أفكار عن حلول بعينها يا ريت تعمل صفحة ويكي ثانية لده.
بخصوص تلقيمة مباشرة، ده هيبقى ضغط على السيرفر لا يقابله دخل من الاعلانات و بالتالي مؤجل التفكير فيه تماما لحين ما يبان الاعلانات دخلها شكله ازاي.
قائمة بالمدونات المصرية ليه؟ بنقول أهداف توفير قائمة ده مش هدف ده نشاط هنعمله لتحقيق هدف صح؟
مبدأيا توفير قائمة يعقد الأمور شوية لأن مثلا فيه مدونات كثير ملهاش تلقيمات و بالتالي مينفعش تدخل على المجمع لكن المفروض تبقى موجودة على القائمة ده غير أنه ممكن أخد قرار بعدم تجميع مدونة بتتحدد عشرات المرات يوميا لكن مش منطقي عدم اضافتها على القائمة.
مش انت ال سألت؟
انت طلبت أبدأ بأهدافي من المجمع كمستخدم، أو إيه ال هيخليني أستخدمه مستقبلا، بدل لما أبني أدوات بنفسي. أنا كمستخدم مش باقول للناس على المجمع علشان أربي الميمات.
فاهم تماما،
فاهم تماما، أنا بتكلم عن الصياغة، هيساعدنا أكثر لو عرفت تسأل نفسك ليه مهم أن يبقى فيه قائمة، ليه مهم يبقى فيه مش عارف ايه.
ممكن جدا وضع حلول محدة يخلينا منعرفش نفكر أبعد منها.
يعني مثلا ايه أهمية وجود قائمة بالمدونات؟ الوضع الحالي للحلقة مخليها مش مفيدة بالنسبة لي بالمرة الا و أنا متقمص دور مدير المجمع و بدور على مدونات أضيفها، لكن يمكن أنت شايف الأمور بشكل مختلف لما تقوللي عايز قائمة بس مفهمش أنا عايزها ليه و كل اللي أقدر أفكر فيه مشاكلها في حين أنه يمكن المشاكل دي مش مهمة أصلا لو فهمت الغرض بجد.
نفس الشيئ بالنسبة لتلقيمة موحدة، أنت عايز ايه؟ عياز وسيلة تتابع بيها طل المدونات على مجمع خاص بيك؟ في الحالة دي مش مطلوب تقيمة موحدة مطلوب opml لكن لو عايز تتابع تصنيفات معينة ده موضوع ثاني خالص، أو يمكن عايز تلقيمة فيها نتائج بحث معين متجددة بما أن أغلبية المدونين مبيصنفوش أصلا.
و هكذا، فصل المواضيع و اشرح الأهداف مش الحلول.
انا قريت
انا قريت الموضوع زى ما ابتداه عمرو، وقريت تعليق علاء ورد عمرو، انا متفهمة فكرة فصل الهدف عن الحل.. او اننا محتاجين نحدد الهدف الاول قبل ما نطرح الحلول، لكن وانا بكتب ايه اللى عايزاه من المجمع لقيت احيانا ان افضل شرح للهدف هو انى اوضح الحل ايه، او المشكلة اللى انا متصوراها والاتنين حطيتهم بين اقواس للتمييز
http://bentmasreya.blogspot.com
طيب اذا كان كده
طيب اذا كان كده كملوا و نبقى نفصل بعدين، بس انا هحاول مردش على مشاكل أي من الحلول لحد ما نخلص عملية فرز الأهداف، بد ما أشتتنا في تفاصيل تقنية.