الزخارف اللغوية
Sat, 2006-12-30 16:14 — بيسو
أثناء المناقشات، تحدث أحدهم عن عدم رغبته في اختيار اسم العمراينة، كعنوان للمجمع الجديد ... أنا اختلف معه بشكل خاص وأري أن الاسم فيه جانب ابداعى لطيف جدا جداً. لكن نبدأ بالنظر إلى الشعار الذي يبدو أن علاء ما زال في حيرة منه "أنا أدون إذن.." لنبدأ بجمع الاقتراحات لـ: -اسم النطاق -الشعار
- مقترحات اسم النطاق
-
Manalaaggregator.net
egyaggregator.net-
omranya-
blogeg-
- الشعارات:
-اتكلم
-عيش وعيشنا ياريس
-دون، تدوين، مدونة
-بلاعة التدوينات.. لكل المدونات
- Login to post comments
- 1792 reads
التنين البمبي بيمسى على العمرانية
Syndicate
Comments
طيب استنو..
طيب استنو.. انتو مافكرتوش فى الكلمة egblag ؟؟ دا اكرونيم بتاع EGyptian BLog AGgregator اعتقد انه سهل النطق.. "ايجبلاج" لو نطقنا الجيم الاولى من غير تعطيش على فكرة كمان الدوت كوم بتاعه متاح لسه egblag.com
i go for it, ba3d omraneya.net
http://bentmasreya.blogspot.com
magma3.net
طيب يا إخوة أنا من رأيي نستفيد من العمق التاريخي لكلمة " المجمع " و أقترح أن يكون الـ url معبرا عن هذا مثلا www.magma3.net اسم سهل و بسيط و يصعب الخطأ فيه وفق أساليب الكتابة الجديدة المبتدعة علي الإنترنت و انا اقترحت الاسم كما استخدمه بفتح الميم مشتقا من فعل الجمع بمعني الجامع لكل المدونات المصرية بينما يستخدمه عمرو غربية بتشديد الميم مشتقا من فعل التجميع بمعني الذي يجمع باستمرار تدوينات المدونات المصرية و اذا كانت الاغلبية تنطق لفظ المجمع هكذا فيصبح اسم النظاق www.mogama3.net و لكن أعتقد أن الإسم الأول أسهل
بخصوص الاسم و الشعار فاقترح ايضا استخدام لفظ المجمع أيضا فيصبح الإسم - المجمع أو مجاراة لشوفينية الأب الروحي و تكريما لمسقط رأسه - مجمع العمرانية ... للمدونات المصرية
أو ربما نستلهم الجغرافيا و نحاول تطوير موضوع البلاعة فيكون ترعة العمرانية ... مصرف المدونات المصرية أو ربما نتوغل في السوسيولوجيا فيصبح قسم العمرانية .. مراقب المدونات المصرية
و الأفضل الاسم الأول الرصين : " المجمع " و فقط و لنترك الهرتلة للشعار و الأمر لصاحب الأمر و الشوري غير ملزمة بحسب اجتهاد أبي العلاء ..و طيب الله ثري الشهيد والمجد لـ 30 فبراير
بخصوص الاسم
بخصوص الاسم عاجبني الجامع لكل المدونات المصرية، خصوصا و أنه مش حقيقي أنه بيجمع الكل و زي ما كلنا عارفين ما دام العملية بقى فيها اعلانات و فلوس لازم نبتدي نكدب و ننصب
مَجمع وللا مُجَمِّع؟
مممم.. انا مش واثقة ان النطق الصحيح هو "مَجمع" بفتح الميم.. اعتقد ان تصريف الكلمة هو "مُجَمِّع".. لأن "مَجمع" دى اسم مكان.. لكن المُجَمَّع بيوصف الوظيفة نفسها انا مش متأكده.. احتمال اكون بفتى.. يا ريت حد يتأكد لغويا من الفيلم ده
http://bentmasreya.blogspot.com
الفيلم
" المجمع " ينقع الاثنين هو آلية لتجميع التدوينات فهو مجمع بتشديد و كسر الميم الثانية و هم مجمع بتشديد و فتح الميم الثانية لانه اسم مفعول من جمّع فهو عبارة عن تدوينات مجممعة و هو أيضا " مكان " علي الوب يجمع المدونات المصرية - مش كلها طبعا بس الاسماء يمكن فيها الاختزال و بعض التصرف - خاصة فيضوء الخطط المقررة لان يكون المجمع معبر للصحافة الشعبية و فيه دليل مدونات و خدمات و دعم لوجستي للتدوين و الأخير أراه أفضل و أشمل و أسهل صوتوا لــ magma3.net
العمرانية دوت نت تسمية كويسة
أنا عاجبني عمرانية دوت نت وما عنديش مشكلة مع التسمية.. عرباوي: http://arabist.net/arabawy صحفي مصري: http://www.flickr.com/photos/elhamalawy
عمرانية ..
بوافق حسام واللى سبق من المدونين واختار الاسم : عمرانية .. يعنى شايفه أوقع مادام هيتنقل المجمع من منال وعلاء ،
ربيع و بيسو
ربيع و بيسو تقصدوا omraneya ولاomranya يعنى عايزين تغيروا النطاق الحالى (omraneya) و تخلوها (omranya)?
فكرة البلاعة رائعة عجبانى جدا . ونحو حشرات من اجل التغير مع تحيات الصرصور المجنح طب قشطة يبقى الشعار صرصار مجانح (: حد قرفان؟
لو هنستخدم
لو هنستخدم عمرانية يبقى هنلتزم بالتصويت الحالي omraneya
اسم
اسم النطاق omranya طبعا مع توضيح ليه كلمة عمرانية بالذات ، رد علاء السابق على نفس السؤال يمكن اختصاره في جملة بسيطة و وضعه بشكل ما في "البلاعة" الجديدة بلا نقاش الشعار هو بلاعة التدوينات.. لكل المدونات
عمرانية.. تا.. تعيش
انا اختار عمرانية دوت نت.. ببساطة لأنها على مستوى اللفظ كلمة عالية اوى.. حاجة كده زى "المحروسة" انا عن نفسى اول ما عرفت مجمع منال وعلاء وقريت "التنين البمبى بيمسى على العمرانية" مكنتش اعرف لسه ان فى منطقة اسمها العمرانية واخدت الكلمة بشكل رمزى جدا انها "مصر" مثلا.. ولحد دلوقتى احساسى باللفظ ده اعلى من مجرد اسم لمنطقة عايش فيها علاء..
بالنسبة للشعار.. اذا مقدرناش نختار شعار يعبر عن كافة توجهات قوى التدوين العاملة .. حاجة غالبا هتطلع مايعة وملهاش لون.. لو مقدرناش يبقى نحاول نألف شعارات كتيرة.. ونعمل لها سكريبت بحيث تتغير مع كل ريفرش للصفحة.. دا اقتراح يعنى
بالنسبة للوجو.. دا يتحدد بعد الاستقرار على الاسم والشعار.. مش جديدة :)
علاء هو انت
علاء هو انت بتدفع فلوس علشان تحجز النطاق؟
الاسماء الى اخترتها هبلة كلها انا معاك , كنت بحاول ادى امثلة طيب اية رايك فى omra اختصار للعمرانية و ميلغبطش .
فكرة مجموعة الشعرات كويسة "فى الانطلقة الثانية: مدونة لكل مواطن" (رزل بس موعبر)
سؤال اخر عن الاعلانات لانها حاجة مهمة انت بتتحاسب ازاى بعدد الناس الى على الموقع ولا بعدد الدوسات على الاعلان؟لو بعدد الدوسات ينفع تتختار انت الاعلانات ولا google هو الى بيختار؟
اه طبعا بدفع
اه طبعا بدفع فلوس عشان أحجز النطاق، بس مبلغ بسيط بيتكلف 9$ في السنة
omra محجوز فعلا و مش ممكن نحصل عليه.
الاعلانات أنا مليش أي دور في اختيارها، أقدر فقط أرفض معلنين معينين لو فيه ضرورة (اعلانات للسياحة في اسرائيل مثلا).
الحساب بيبقى مبلغ بسيط لكل مئة زيارة و مبلغ أكبر شوية لكل دوسة على الاعلان.
عموما أقترح محدش يشغل باله بموضوع الاعلانات، قدامنا ثلاث شهور تجريب لو بعد شهر لقيت اعلانات جووجل مش جايبة همها وقتها هنفتح النقاش في مصادر بديلة للتمويل.
بالنسبة لاسم
بالنسبة لاسم النطاق بفضل الاسماء السهلة فى الكتابة زى yahoo قول لاى حد ياهو هيعرف يكتبوا google نفس الحكاية . دة مهم دلوقتى علشان المجمع يتعرف لما اقول لاى حد الاسم يعرف يكتبوا بسهولة مش لازم اقعود استهجة . يعنى مثلا لو نسمية ABMA.net اختصار الاجريجاتور بتاع منال و علاء . ممكن AGM.net اجرجاتور مصرى . لكن العمرنية مثلا اسم صعب فى الكتابة لما تقول لواحد فى خبر مهم على العمرانية ممكن يكتبها كدة omrania or omranya فى احتمال لخبطة خصوصا لواحد متخلف فى الاملاء زى . انا كنت دائما بطلخبط فى كتابة العمرانية لما مدونتى كانت هناك .
بالنسبة للشعار بخاف ديمن من الشعار الثابت يعنى مثلا لو حطينا شعار بيقول انا ادون فانا صحفى شعبى شعار يحسسك ان بالتدوين و الصحافة الشعبية . لكن لو فى وقت اعتقال النشطاء مثلا اوقع الشعار يكون انا ادون فانا فى السجن . يعنى من الاخر بفضل الشعار ينغير كل فترة علشان يعبر عن البلوة الجديدة الى احنا عايشين فيها(و كل يوم فى بلوة بتطلع) علشان الشعار ميكونش فى وادى و الناس فى وادى تانى.
الخطأ في تصويت الكلمات العربية
الخطأ في تصويت الكلمات العربية بالإنجليزية شائع فعلا لوجود عدة معايير. دا سبب إننا نستعمل دائما أسماء نطاق لاتينية إلا في حالة أسمائنا الشخصية مثلا.
أنا كنت اقترحت blogstan.net. و بالعربي يبقى اسم المجمع مدونستان. و يبقى الشعار المبدئي: مورستان المدونات المصرية :)
موجود فعلا عدد من المجمعات المصرية (أو المصرية غالبا) ال لها معاييرها الخاصة بنوع المحتوى المقبول فيها. و العمرانية كمان لها فكرة عن المعايير. عيب الإسم الرسمي، غير أنه ممل، أنه يفترض الحياد المسبق، و دا شيء غير حقيقي لأن المجمع هتبقى ليه سياسة واضحة أو مش واضحة قوي بخصوص حرية التعبير (و المسؤولية الجنائية للمجمع عن إعادة نشر بعض المحتوى).
أسطورة العمرانية و 30 فبراير و روح الشهيد ترفرف علينا لا بأس بها على الإطلاف، و هي فعلا أسست نفسها بشكل من الأشكال، على الأقل بيننا على سبيل النكتة.
يعني اقتراحي الأكثر رسمية هو مدونستان، و لا مانع عندي على الإطلاق من استمرار العمرانية.
blogstan.com محجوز
blogstan.com محجوز فعلا لحاجة ايراني، صحيح net و org متاحين لكن مش عايز أخد نطاق كمه مستخدم
ثانيا في الوعي السيبري الجمعي بلوجستان هي فضاء التدوين الفارسي
طيب نقطة أن
طيب نقطة أن العمرانية ليها أكثر من وسيلة كتابة دي صحيحة تماما.
بس لو هنمشي على كلامك يبقى أغلب الحاجات اللي بالعربي مش هينفع نستخدمها، يعني كل الحاجات اللي على وزن dawen هتبقى مشكلة، فيه ناس مبتكتبش الa لو مفيش ألف مد و ناس هتستخدم i بدل e و هكذا.
abma و agm رخم قوي، مفيش اقتراحات ثانية؟
فكرة الشعار المتغير حلوة، بس تعالى نقول أننا عايزين قائمة شعارات لطيفة تنفع في الوقت اللي مفيهوش حاجة بالذات تحتاج تغيير الشعار
و ممكن في المستقبل حد يتطوع يعمل ملف فيه افيهات قصيرة من المدونات المصرية تستخدم في الشعار، يعني مثلا نيجي في يوم و نكتب
قول ﻷمك التدوين مش هيئة حزبية يا يحي :-)
لكن أنا مش عايز شعار ينحاز لستايل تدوين غير نادرا، يعني أنا مهتم بالصحافة الشعبية بس مش كل المدونين ولا كل قرائهم مهتمين، ممكن يبان تركيز على الصحافة الشعبية لو فيه اتفاق أن ده مهم بس مش لدرجة شعار الموقع كله.
مش لازم عمرانية
المشكلة في العمرانية انه بيحافظ على صورة المجمع كملكبة خاصة لمنال وعلاء وبالتالي بيأثر سلبا على فكرة الملكية الجماعية. الاسم لا يهم أن يكون رسميا من عدمه- المهم أن يكون مشاعا للجميع... تداوين يخطر على بالي الآن ربما اكتر من مدونين لسهولة الكتابة بالانجليزية tadaween كذلك انا مع شعار ليس جادا... (انا ادون إذا أنا... ياللا مش مهم) مثلا--- ولكن الأخيرة دي مدونة مجدي صالح وبالتالي لا يصح استخدامها
tadaween تلخبط برضه
tadaween تلخبط برضه ممكن حد يكتبها tadawin
لكن أحيانا بيبقى مستحيل تتفادى اللخبطة
أنا جبت عمرانية
أنا جبت عمرانية من زمان لمجرد أنه كان متاح و استخدمته دلوقتي من غير استشارة بسبب زنقة الوقت لظروف سفري لكن مفيش ضرورة في استخدامه.
أنا بس عايز أوضح أن مش من أهدافنا التأكيد على الملكية العامة خالص، موضوع الملكية العامة يحصل ولا لأ مش مربط الفرس و بصراحة مش عايزه يحص لو فيه أدنى احتمال أن ده يبقى معناه عدم نشر البذائات مثلا، اللي عايز يعمل مجمع مختلف تماما يتفضل يعمله، المجمع ده لو هيستمر هيفضل ماشي على خطى منال و علاء أنا بس متصور أن فيه مجموعة واسعة شوية من الناس رؤيتهم متقاربة لينا فلأسباب عملية تماما (أساسا الاستمرارية) مش حبا في الديمقراطية و الجماعية هنوسع المناقشة و العمل.
عموما دي فرصة لطيفة نحاول فيها نوثق ليه فيه مجمع أصلا و ليه الموضوع فارق معانا أنا عملت صفحة هنا هنستخدمها كويكي عشان نحط قائمة أهداف
العمرانية جميل
العمرانية جميل ، بس أظن ان يكون فيه شوية كلام يوضح للناس ليه اخترنا العمرانية ، النكتة انك لو اخترت كلمة مفتكسة زي كوتوموتو ماحدش هايسألك اخترتها ليه "انا ادون ..." مستهلك شوية ، كمان أظن ان الشعار لازم يكون فيه معنى الحرية واضح ، مافيش مانع طبعا انه يكون ساخر ، ماله التنين البمبي بيمسي على العمرانية؟ و بمناسبة العمرانية ، هو ايه السر في الاختيار؟ عشان بس مابقاش بادافع عن حاجه و انا مش عارف سببها؟ لو الأمر في ايدي و الموضوع ديكتاتوري هايكون الشعار كالتالي "روح الشهيد حارسانا"
أنا أدون ده
أنا أدون ده انكتب كده من باب أني أكتب أي حاجة محدش يعاملوا على أنه اقتراح جاد.
عموما ميزة الشعار أنه ينفع يتغير كل شوية بعكس اسم النطاق.
العمرانية ده اشارة لرائعة من روائع الفن السيبري البذيئ جدا جدا جدا و الحي اللي أنا ساكن فيه.
انا معاك .. و
انا معاك .. و شايف ان الاسماء الرسميه سخيفه .. بس عايزين اقتراحات لحاجه تجمع الاتنين في صيغه لاهي بيضان ولا هي مبتذله ومهيسه قوي .. خلي بالك ان دي مش مدونه شخصيه .. من غير فذلكه دي البوابه اللي اي حد ع النت حايبص منها ع المدونات المصريه .. بالتالي لااحبذ مثلا ان اسمعا يبقى : بضان التنين دوت نت .. فاهمني ؟؟
.. عامة ده رأيي الشخصي البحت
أولا يا ريت
أولا يا ريت نحافظ على الthreading كل واحد يكتب رده تحت التعليق اللي بيرد عليه متشلوناش
الغرض من اصراري على الاطار الديكتاتوري كل الفترة اللي فاتت دي و تحديد الموضوع دلوقتي على الشورى ما بين مجموعة ضيقة هو أننا نحاول نفرض طابع معين، دلوقتي عدد المدونات لسه قليل، يعني اللي جاي مع الزمن هيكون أكثر من المستقر حاليا بكثير و ده معناه أن أي قرارات بتتاخد دلوقتي بغض النظر خدها واحد ولا اثنين ولا ألف في المستقبل هتبقى قرارات خدتها أقلية و احتمال كبير تأثر على شكل و طبيعة الموضوع حتى بعد ما كبر.
ده بنسميه first programmers
فأحنا بصفتنا مبرمجين أوائل لينا مطلق الحرية نعمل اللي نحبه، مش مطلوب مننا نعمل حاجة نتوسم فيها أنها القرار اللي يعجب أكبر عدد ممكن، مثلا قرار السماح بالبذائات في رأيي هو السبب الرئيسي في أن مجمعنا بعكس باقي مجمعات العرب مفتوح لكل الأفكار و الأيديولوجيات.
الموجود حاليا أفيد لعدد أكبر لكن لو سألت رأي الناس هتلاقي نسبة كبيرة من اللي مستعدة تعبر عن رأيها مع تقليص المجمع على منزوعي البذائات.
يبقى رسمي ولا همبكة ده قرار منال و علاء بعد مشورة اللجنة الثورية العليا. و مش مفروض يبقى مبني على تصور ملكية مشاع لكل المدونين.
فكر فيها كأنك بطريقة، المجمع اللي أحب أزوره كل يوم المفروض يبقى شكله ايه؟
بالنسبة للنطاق، المهم فيه أنه يكون سهل الناس تفتكره و تمليه لبعض، مش مهم يكون معبر، اسم المجمع يحبذ يكون معبر عشان اللي يقع عليه بالصدفة أو عن طريق محرك بحثي يفهم هو فين، الشعار أقترح أنه يكون همبكة.
هطلب منكم المساعدة في كتابة فقرات قصيرة تشرح يعني ايه مجمع، و يمكن يعني ايه تدوين كمان.
انت لسه على
انت لسه على الخط؟ عايز نرغي شوية ، انا على eglug دلوقتي ، لو فاضي كلمني هناك ، او بأي طريقة مش فارقة
نقطة نظام
- جزء كبير من تميز ظاهرة المدونات بشكل يعتمد بالاساس على انها بتتخذ خطابي غير تقليدى وغير رسمى دا بيخلنى لا احبذ فكرة الاسم الرسمى للنطاق والشعار
هو في سكتين
هو في سكتين يااما الموضوع يبقى رسمي قوي يعني اسم النطاق مثلا :
egyaggregator.net او Manalaaggregator.net و هكذا دواليك ( طبعا دي مش اسماء انا باقترحها و شيف انها سخيفه)
و مع الرسميه دي يبقى الشعار طبعا : مجمع المدونات المصريه او تابع المدونات المصريه ساعه بساعه .. وجهة النظر الرسميه دي ممكن تكون منطقيه لأن المجمع دلوقت منفصل عن مدونة علاء و منال .. و بعد فصله هو في اتجاه انه يبقى ملك كل المدونين ( سواء رضينا ام لم نرض) .. و معظم المجمعات في العالم اساميها رسميه بحته ..
الاختيار التاني هو حاجات في الاينفورمال بقى يعني اسم النطاقه عمرانيه . نت لطيف جدا طبعا .. بس الشعار اوفر حبتين : انا ادون اذا انا .. ليه يعني ؟؟ .. الحقيقه هي اني ادون اذا انا فاضي .. او اني انفسن .. او اني مناضل . او باكل عيش .. غالبا التدوين في مصر مش بيطلع عن الحاجات دي .. شايف انا ان مالوش لازمه .. بس برضه مش حاعرف اقترح شعار لاني بقالي من ساعة مافتحت البلوج عندي مش عارف احطله شعار مناسب .. انا اخر واحد اقترح شعارات .. ممكن نعمل تصويت صغير عن الاسم و النطاق رسمي ام غير ذلك بعدين نبتدي اختيارات في الكاتيجوري اللي تم ترشيحه .. ماشي الكلام؟
http://jarelkamar.net
شكرا دي فعلا
شكرا دي فعلا أول حاجات محتاجين نعملها
والله مش عارفه
والله مش عارفه ليه عاجبني اسم الاجريجيتور عمرانيه .نت وحاسه انه مميز
وان كان الشعار انا ادون اذا مضايق الناس مثلا ممكن نغيره ونسميها قهوه المدونين المصريين مؤقتا