30 فبراير الجناح التقني

فطاحل مش تصنيف أساسي ده تصنيف اضافي و قلنا أكثر من مرة أن اللي في فطاحل في تو اللحظة هي الحاجات اللي أنا و منال بنحب نتابعها.

هتلاحظ عندنا تصنيف Egyptian Feeds بنجمع فيه بعض التلقيمات اللي من مواقع مهياش مدونات. و منهم كفاية، الفكرة كانت أن المواقع اللي عندها تلقيمات وقتها كانت قليلة جدا.

هل نستمر في الموضوع ده؟ هل نفصلهم عن المدونات في صفحة all؟ نسمع رأيكم بس يا ريت منفرعش لو فيه حاجة عاوز تتناقش فيها افتحلها موضوع جديد.

أي حاجة هتفرق و غالبا بعد شهرين ثلاثة نسبة مش بسيطة من مدونات الأربع شهور هتفضل متتجددش و هنشيلها و هكذا

بالتالي لو الناس شايفة 6 شهور أضمن مفيش مشكلة

مينفعش نحافظ على توازي العمل ما بين الحلقة و المجمع أصلا لأن الحلقة مليانة مدونات غير موجودة بالمرة حاليا و عناوين خاطئة و مدونات ليها عناوين tk مزعجة و هكذا.

لو عاوزين الموقع يقوم بدور قائمة بالمدونات حتى الغير حية منها مفيش مانع لكن مش لازم ده يتم باستخدام كود المجمع.

بما أني مقدرش أحلل استهلاك الموارد بدقة رياضية حقيقية يبقى ضروري ألغي أي استهلاك لا معنى له، مدونة لم تتجدد من 2004 أكيد مضيعة للوقت أني أجمعها حتى لو مرة واحدة في الشهر، لو صاحبتها رجعت للتدوين تبقى تسجل نفسها ثاني مش مشكلة.

خد بالك كمان أن المدونات المهملة ساعات بياخدها سخاميين و تلاقي المجمع مليان سخام و قرف و مفيش طريقة لتفادي ده غير العمل اليدوي، ازالة تلقائية للمدونات الغير حية هتخفف من حدة ده.

طبعا لو مدونة استمرت على المجمع شهور و بعدين فصلت هيفضل أرشيفها على المجمع.

شكرا على نصيحة المدونات اللي بتنشر كثير، دي فعلا فكرة وجيهة و ان كانت مش هتحل مشكلة تلوث الأرشيف.