بدء العمل بآليات تزكية المحتوى المختلفة
بعد النقاش المطول عن أساليب تزكية المحتوى بدأنا فعلا في العمل على الموضوع ده و ركبنا وحدات تسمح للزوار المسجلين أنهم
- يضيفوا تدوينة الى مفضلاتهم (bookmark this page)
- يوسموا تدوينة (tag post)
- يقيموا تدوينة تقييم ايجابي أو سلبي (vote +/-)
و بالنسبة للزوار الغير مسجلين (و معهم المسجلين طبعا)
- يرسلوا تدوينة بالبريد لصديق (email this page)
ده بالاضافة لمتابعة أكثر التدوينات قرائة.
لسه معملتش أي تحليل احصائي أو تزكية حقيقية الموجود المتاح دلوقتي هو تجميع البيانات فقط، قبل ما أشتغل على التحليل الاحصائي و التزكية محتاجين نتأكد أن الوظائف دي كلها متصدرة بشكل مفهوم للزائر و أن الزائر الغير مسجل عارف أن الكلام ده متاح و أنه محتاج يسجل عشان يستخدمه.
هل عندكم اقتراحات ايه اللي نغيره في عرض الوظائف دي بحيث تبقى واضحة و مشجعة أكثر؟
- Login to post comments
- 922 reads
tags for بدء العمل بآليات تزكية المحتوى المختلفة
التنين البمبي بيمسى على العمرانية
Syndicate
Comments
بالنسبة لتقييم
بالنسبة لتقييم المدونة، متهيألي لو غيرنا أيقونة الأسهم لأبهام فوق و تحت هتبقى هايلة. رأي كمان أن قبل التصويت تكون الأيقونة ملونة و بعد التصويت تبقى رمادي (عكس الوضع الحالي) علشان كونها رمادي ممكن تدي أنطباع أنها غير مغعلة.
أرسل لصديق تبقى هايلة لو اتضاف قبلها أيقونة جواب.
ياريت لو نعمل رابط "أضف لمفضلاتك" أو "Bookmark this page" جنب "ارسل لصديق" و برضوا نضيف قبلها أيقونة.
و لو ممكن للغير مسجلين حاجة من نوع "Login to bookmark this page" مثلا.
لو ينفع نعمل كده كمان مع الوسم .. يعني الtext field يبقى غير مفعل و جنبه "Login to add your tags" أو شئ من هذا القبيل
http://www.manalaa.net
الأسهم مش مفهومة
انا مافهمتاش حتى وانا مشارك في النقاش :-(
اقتراحين 1- ابهام
2- الاسهم جنب بعض مش فوق بعض \/ /\
وأخيرا كل اختيارات المستخدم تبفي في بوكس واحد لونه مظلل قليلا (وسومات، مفضلة، تقييم، ايميل) وتبقى تحت التدوينة ومعها زر الحفظ اللي محتاج تغيير وتصغير وازالة لسان (الوسومات) لأنه موجود تحت
أنا بفكر لو في
أنا بفكر لو في الصفحات اللي ظاهر فيها أكثر من تدونية نعتمد على أيقونات فقط (لكن يظهر سطر شارح لما نشاور على الأيقونة) و في صفحة العقدة يظهر الأيقونات مع الشرح.
بفكر كمان ابهامي التصويت و نتيجته يبقوا مع بعض في صندوق واحد معلق على ركن التدوينة (مطرح الأسهم حاليا مثلا) و تكون النتيجة بخط كبير شوية لتشجيع الناس أنها تشارك.
موضوع الوسم مش عارف اذا كان مفيد أصلا وضعه في صفحة العقدة مباشرة (ممكن مثلا نحوله لاستمارة مطوية؟).
ممكن نعمل مربع
ممكن نعمل مربع فى اعلى الصفحة نكتب فية انت غير مسجل لذالك لا تستطيع تقيم و وسم التدوينات , او قم بالتسجيل لتتمكن من المشاركة فى التقيم ........دة كحل مؤاقت. لكن اوقع لو يبقى فى صفحة عن كيفية استخدام الموقع بشكل عام تشرح الامكانيات و كيفة الربط بالموقع و خدمة الاستضافة . صحيح لسة فى استضافة على العمرانية ولا نقلتها كلها على منال و علاء؟
خدمة الاستضافة
خدمة الاستضافة غير مرتبطة بالعمرانية.
أي حاجة فيها كتابة هحتاج متطوعين يكتبوا، يا ريت حد يعمل صفحات ويكي و يكتب فيها مسودات للشرح و الباقي يعدل عليه.