أسئلة عن الفطاحل,التلقيمة وما يستجد
هماسؤالين في السريع
1- مين اللي بيحدد اللي في قسم الفطاحل؟وعلى أي اساس؟ وهل لحد حق التزكية او الإعتراض,وازاي المدون لما يحب انه يترقى ويبقى فطحل قد الدنيا يعمل ايه ؟ وهل يشوب الموضوع دا نوع من انواع المجاملات,الصحوبيه,الأيدلوجيه,الخ؟
2- تلقيمة المجمع مش شغاله ,حاولت ابص عليها النهارده وامبارح ومن يوم مافتح وهي مش بتعطيني اخر التطورات بس بتعطيني صفحه عبيطه فيها ان المجمع اتنقل وغيروا الروابط الخ,امتى حتشتغل ؟
- Login to post comments
- 901 reads
التنين البمبي بيمسى على العمرانية
Syndicate
Comments
بع بكتب الرد ده
بع بكتب الرد ده للمرة الثانية
ده فيما يخص الفطاحل توضيح بخصوص الممارسة الديمقراطية
مش من أهدافي أن المجمع أو ادارته تبقى ديمقراطية، أي مشاركة جماعية هتحصل بسبب ضرورة، فمثلا مهما كبرت هيئة التحرير لا يمكن نعمل هيئة تحرير قادرة على متابعة كل المدونات خصوصا مع تزايدها طول الوقت، بالتالي الحل الوحيد هو أن جمهور المجمع يشارك في تزكية المحتوى، بس عشان جمهور المجمع يشارك في تزكية المحتوى لازم عملية التزكية تبقى نتائجها واضحة و مفهومة و ليها مردود مباشر يشجع القارئ على المشاركة و ده معناه أننا هنلتزم أكثر و أكثر بالامتثال لرغبات الجمهور مش حبا فيه و لا ايمانا بقيمة أيديولوجية مطلقة و لكن للضرورة.
دي مش تجربة في الديمقراطية السيبرية.
ال بيحدد
http://gharbeia.net
مش عارف
مش عارف بالظبط,بس قبل دا لازم نعرف الفطاحل مين هما ؟ اللي عدد زوارهم اكتر من الباقي ؟
ولا اللي عدد تدويناتهم اكتر ؟
ولا اللي مشهورين اكتر ؟
ولا اللي بيكتبوا احسن واكوس وكدا ؟
ولا اصحاب الأفكار الجباره او الأخوه الكاريزميين؟
ولا الناس اللي بتبني وبتساعد في عالم التدوين من تقنيات وأليات ومساعده الخ ؟
ولا الناس المشهوره اللي بيطلعوا في الصوتيات والمرئيات ؟
ولا كله على كله ؟ لازم نوصل لشبه اتفاق على مين هما الفطاحل ,وبلاش موضوع المفضله لان لو كل واحد مفضلته يبقى دا معناه انا كل المدونيين فطاخل ,وانا اصلا ضد تسميةوتقسيمة فطاحل ,لسبب بسيط دا تمييز بناء على الاقدميه او الشهره او اي من اﻷسباب التي سبق ذكرها, ومافيش حاجه من وجهة نظري انا بتعطي أفضلية لحد ع الأخر.
MaLek-X.net
أحب أطمئن
أحب أطمئن إخواني الزملاء و الزميلات أن خفافة الشهيد روح متجردة لا سلطوية خارج متصل الزمكان منذ ارتفاعه عنا. هو فاهم بس بيجرجرنا لإثراء النقاش.
تاني مرة علشان البك:
المدونين عددهم بيزيد، و في منهم ناس المستخدم مش عاوز و لا قادر يتابعهم. فالأفيد له لما يبقى في 10,000 مدونة أنه يركز على عدد قليل منهم يختاره هو بنفسه. يعني كل مستخدم هيبقى عنده مجمعه الخاص يختار أعضاءه على مزاجه. بقينا شبه بلوجلاينز أكتر أهو.
الصفحة الرئيسية بقى، ال احنا مسئولين عنها، جايز نحب نبرز فيها مدونات أو تدوينات بعينها، و جايز ﻷ. يعني ممكن نقرر أن بهية أهم من فلان و بالتالي تبقى لتدوينات بهية وزن أكبر. ممكن كمان نقرر أن وسومات بعينها (صحافة شعبية؛ نفسنة؛ استفتاء؛ إخوان مسلمون) أهم من غيرها و بالتالي نحب يبقى لها وزن أكبر (طبعا علاء عنده كوابيس تقنية دا الوقت). ممكن كمان نقرر أن جميع التدوينات ولدت متساوية و تعرض متساوية.
مين يحدد دا؟ هيئة تحرير بقى سياستها واضحة، مزاج منال النهار دا؛ التصويت الشعبي للمسجلين، التصويت الشعبي لغير المسجلين، أو أي حل تاني.
يرفع إلى السماء.
http://gharbeia.net