التلقيمات
الحل الأمثل إن تبقى في تلقيمة لكل وسم و لكل مجموعة لغوية. يفضل كمان إن التلقيمات تربط للتدوينات نفسها مش لعقدة التدوينة على المجمع.
علاء شايف إن دا استخدام موارد غير مبرر ﻷن مهم الناس يمروا على المجمع علشان الإعلانات مثلا. طبعا احنا لسة ما جربناش الحمل على الخادوم هيبقى عامل إزاي مع الحل الأمثل، لكن في جميع الأحوال، الحلول البديلة هي:
- تلقيمة تربط لعقدة التدوينة في المجمع، على شرط أن تظهر التلقيمة اسم المدونة و مؤلف التدوينة، لا أن يكون المؤلف علاء باعتباره منشئ العقدة. الواحد بيقرا مقتطفات من مدونات و ما بيبقاش عارف مين أصحابها علشان علاء كاتبهم كلهم، و لازم يفتح كل العقد، و دا هدر أكبر للموارد.
- تلقيمة تربط مباشرة للتدوينة على أن يظهر إعلان في التلقيمة نفسها.
- Printer-friendly version
- Login to post comments
- 909 reads
التنين البمبي بيمسى على العمرانية
Syndicate
Comments
عمرو انا مش
عمرو انا مش فاهم الاختيارات,ممكن لاني حاليا مش بحالة جيده فمش عارف اركز,إعذرني لو طلع كلامي تكرار لكلام قلته وانا منتبهتش له. رأيي بكل بساطه ان التلقيمه تفضل زي ماكانت زمان عند منال وعلاء(اخر كام شهر مكنتش شغاله انا بتكلم عن تلقيمة المجمع) يعني بتقولي على كل التدوينات اللي نزلت جديد المجمع,وبما ان رابط التدوينه بيكون على المجمع فلازم اعدي الأول على المجمع قبل ما ادخل على المدونه الرسميه اللي بتحتوي التدوينه دي,فدا حيخليني ادخل على المجمع (مش حتضر الإعلانات) كدا كدا . مش عارف ان كان كلامي واضح بس معلش
MaLek-X.net
كلامك واضح يا
كلامك واضح يا مالك. يبقى انت مع البديل الأول.
http://gharbeia.net
أنا قلت الكلام
أنا مقلتش يأثر
أنا مقلتش يأثر على ربحية المجمع من الاعلانات
أنا قلت أن التلقيمة حاجة هتستهلك موارد من غير ما تشارك في در الربح، بالتالي مهياش أولوية بالنسبة لي لحد ما أطمئن على الموارد بتاعتنا.
و قلت كمان أن أي طلبات خاصة بالتلقيمة معتمدة مش ممكن تتعمل قبل الترقية لدروبال 5 و بالتالي برضه مش اولوية.
مش لاقى فرق
التلقيمة
التلقيمة موجودة فعلا بالتالي تأثيرها على الربحية قائم بغض النظر عن عملنا ايه.
قرار التأجيل مبنى على تحديد الأولويات، مش من أولوياتي الاهتمام بحاجة تستهلك موارد من غير ما تشارك في در الربح لأن المشكلة الأساسية اللي كانت بتواجه المجمع القديم هي الموارد و لأن المشكلة دي لسه متحلتش.
الفرق بين دروبال 4.7 و 5 فيما يخص التلقيمات أن في دروبال 5 فيه وسيلة لتعديل التلقيمة من غير تعديل ملفات دروبال الأصلية و في 4.7 مفيش.
اذن يأجل العمل على طلباتكم لحد ما ننقل دروبال 5 و نكون عارفين عنغطي التكلفة ازاي بالظبط.
مش ممكن أني محتاج أكرر أربع مرات أسباب تأجيل العمل على حاجة معينة، الطبيعي أن الشغل هيتوزع على الزمن و في أحوال كثير التوزيع هيتبع أولويات و في أحوال ثانية هيكون توزيع جزافي تماما، لو أنت شايف أن كذا المفروض يكون أولوية قول كده و وضح أسبابك أو شوف ازاي نحل أسباب التأجيل بسرعة.
معلش يا اخ عمرو
معلش يا اخ عمرو بس سريعا كدة ما هى التلقيمة و الوسم و العقدة انا مش فاهم الليلة دية خالص.
سريعا يا أخ يوسف
تحديث: أنا ما كنتش شفت رد علاء. نأسف.
التلقيمة هي feed
التلقيمة هي feed زي rss أو atom زي مثلا http://www.manalaa.net/rss.xml و دي عبارة عن ملف xml ممكن عن طريقه متابعة المحتوى الجديد في مدونتك، و ده بيخلي المدونات و المواقع الاخبارية تبقى عاملة زي وكالات الأنباء و البورصة كده فيه وسيلة غير زيارتهم كل شوية لمعرفة أخر التجديدات، المجمع بيعتمد على التلقيمات دي في متابعة المدونات.
الوسم (tag) هو تصنيف في نظام تصنيف حر، اللي هو يعني أنك تكتب مدموعة من الكلمات المفتاحية لوصف التدوينة بدل من تصنيفها بناء على نظام تصنيف معد مسبقا، شايف المربع اللي على اليمين فوق اللي أسمه tags in tags ده فيه الوسومات المستخدمة على الموقع ده و الوسم اللي حجمه أكبر معناه أن استخدم في صفحات أكثر (و المربع ده اسمه سحابة وسومات).
العقدة دي كلمة خاصة بدروبال فقط ترجمة لnode و مقصود بيها صفحة محتوى من أي نوع على موقع دروبال، التديونة عقدة و الاستفتاء عقدة و اعلان الفعاليات عقدة و صفحة الويكي عقدة و هكذا.
مش فاهم فيه حتة
مش فاهم فيه حتة وهمية في كلامك، موضوع أن العقد مؤلفها علاء مش صحيح، العقد مؤلفها مجهول.
أي مطالب بتعديل التلقيمات هتستني لبعد الترقية لدروبال 5 لأن الاصدارة الحالية لا تسمح بتعديل التلقيمات بطريقة نظيفة.
خدمات الاعلانات المستخدمة حاليا مبتدعمش الاعلانات في التلقيمات، عموما ردي الأول على الموارد كان المقصود بيه ترتيب الأولويات، بمعنى أن لسه في غموض في حتى الفلوس و بالتالي مش هركز على وظائف تستهلك موارد ولا تدر ربح لحين ما يبان الوضع أكثر.
بما أن يه سببين لتأجيل التنفيذ العملي لأي من الاقتراحات دي يبقى أنا هتجاهلها في الوقت الحالي، عايز تتناقش مع الباقيين في ايه التلقيمات المفيدة في المطلق على سبيل العمل على خطط طويلة المدى مفيش مانع (و أظن ده هدفك فعلا بما أنك عملت صفحة ويكي) بس انا مش شايف تفاعل كبير ما بين أعضاء الهيئة لغاية دلوقتي.
متصور أن تلقيمات للبحث ممكن تبقى مفيدة برضه (stored searches).
و لا وهمية و لا
و لا وهمية و لا حاجة. مؤلف التلقيمات عندي على قارئ التلقيمات بيبقى دايما علاء، و حتى لو عملته مجهول، ففي جميع الحالات هو برضو من وجهة نظر دروبال، مش مؤلف التدوينة الأصلي، و بالتالي قلته أحسن ﻷنه لا يضيف أي معلومة (أنا باتكلم على التلقيمة القديمة على منال و علاء، حاليا أنا مش لاقي تلقيمات للمحتوى الملقم خالص).
http://gharbeia.net