وسم المحتوى
ماشي با بني أدمين، يعني محدش عبرني غير ربيع؟
ما علينا، ثاني آلية مقترحة لتزكية المحتوى هي الوسوم.
حاليا المجمع بينقل بيانات التصنيف من المدونات (لو كانت المدونة تستخدم التصنيف) لكن تصنيف المدون حاجة و تصنيف القراء حاجة ثانية خالص.
فمثلا لو أنا عايز أعمل حملة أقدر أختار وسم للحملة دي و أوسم كل التدوينات اللي ليها علاقة بالحملة تحت الوسم ده (استخدم فعلا في حملات التضامن مع شخصي الغير متواضع و مع عبد الكريم)، ممكن كمان تستخدم لتجميع كل التدوينات اللي عن التحرش الجنسي مثلا، أو كل التدوينات اللي تمثل الصحافة الشعبية، و ممكن طبعا استخدام الوسم (و التصنيف الشعبي) كأداة للاشارة للمحتوى الخالي من (أو الملئي ب) البذائات أو الهجوم الشخصي الخ.
يمكن بسهولة اضافة امكانية أن قراء المجمع يوسموا التدوينات، لكن هل دي فعلا فكرة كويسة؟
هل ممكن تنجح؟
هل محتاجة مشاركة عدد كبير من القراء عشان تنجح؟
ايه رأيكم؟ (بكره هنتكلم عن آليات أخرى لتزكية المحتوى).
- Login to post comments
- 779 reads
tags for وسم المحتوى
Syndicate
Comments
دا محتاج عدد
دا محتاج عدد جبار من القراء يا علاء,وبالذات لوسم المدونات اللي محدش بيتابعها او المظلومه او الجديده الخ,بس فكره جيده ,اعتقد محتاجه وقت طويل اوي عشان تشتغل بكفاءه. MaLek-X.net
محتاج مشاركة 100
محتاج مشاركة 100 قارئ أسبوعيا مثلا، لو معرفناش نحقق العدد ده هيبقى الرك على هيئة التحرير و يمكن نقلل عدد المدونات اللي بتجمع أكثر و أكثر لأن مع الزمن حجم المحتوى و سرعة تجديده هتبقى اكبر من أننا نعرف نتعامل معاه لو مشاركش عدد كبير.
لكن 100 ده مش رقم كبير قوي، اللجنة دي لوحدها فيها ربعهم.
يا سلام على التفكير
يعني الميزة الأكبر في الاقتراح ده ، هو اني ممكن اوسم شخص معين بأنه اسهال ، أو فقع مرارة و ماشابه ، و طبعا ده بدون الضرر بالمجمع ، لأن ده مابقاش رأي المجمع ، ده بقى رأي الزائرين أو رأي مستخدمي المجمع ، طبعا مش هايبقى فيه خيار و فاقوس ، يعني ميت مثلا هايوسم مدونات كتير بوسم بذيئة أو قبيحة أو حتى كافره ، طبعا ده نمط من الحرية غير معتاد على الاطلاق ، يمكن يكون المجمع هو أول واحد يفتح وسومات أو تقييمات على البحري كده
طبعا الوسومات دي مش هاتأثر على موقع المدونة أو التدوينة أو المدون ، مش هاتخلي تدوينة على راس الصفحة ، او تخلي واحده تنزل تحت و تبقى غير مرئية