خلصنا طابور المدونات المتأخرة
كان مكوم عندي حوالي 200 طلب اضافة مدونات من أكتوبر و النهارد أخيرا عديت عليهم كلهم و أضفت المدونات الناقصة.
نسبة كبيرة من الناس بتبعت تطلب اضافة مدوناتها من غير ما تذكر مسار المدونة !!!!
المهم المجمع دلوقتي فيه 1428 مدونة (بعد مسح المدونات اللي اختفت). أظن حلقة المدونات المصرية فيها يجي 200 مدونة كمان مش عندنا و طبعا فيه مكتوب و جيران و myspace و ما شابه لم يضافوا (و احتمال لن يضافوا).
- Login to post comments
- 378 reads
التنين البمبي بيمسى على العمرانية
Syndicate
Comments
الجهلة امثالي
الجهلة امثالي يا علاء كل اللي ممكن يعملوه انهم يساعدوا في اضافة مدونات جديدة ، يعني مجرد الاختيار ، انما اضافتها من الناحية التنقنية فابقى قابلني طبعا انت ممكن تفتكس طريقة تخليني اتعب في الاختيار و تكون الاضافة سهلة ، مجرد احط اللينك و خلاص ، كده ممكن انا و الجهلة اللي زيي نسهل كتير عليك طبعا بكده لازم تعرف ان الدكتاتور الصغير اللي جوه كل واحد فينا هايظهر و يزعق و يقول حقي و جالي ، و ان الاختيارات كلها هاتكون متحيزه و غير عادلة و ليها علاقة بالصحاب و المعارف و البدنجان
حاليا مفيش
حاليا مفيش اختيارات كل المدونات المصرية اللي بتجيلنا بنضيفها. و ساعات بروح أدور على مدونات جديدة.
كل المسألة أني بتأكد أنها مصرية (و تعريف مصرية يعني صاحبة المدونة معتبرة نفسها مصرية أو المدونة بيكتبها حد مقيم في مصر أو المدونة عن مصر)، و بصنف حسب اللغة و بس.
فيه حالات استثنائية جدا مسحت فيها مدونات بعد اضافتها، كانوا مدونات بتتحدث أكثر من مرة في اليوم و كل محتواها منقول عن أماكن أخرى.
أتمنى نستمر بالسياسة دي و نواجه مشاكل زيادة عدد المدونات بآليات لتزكية المحتوى مش باختيار المدونات اللي تضاف للمجمع.
و بالتالي عملية اضافة مدونة مجرد عملية بيروقراطية مش أكثر، و في الأصل مش مفروض تاخد وقت.
علاء أنا عندى
علاء أنا عندى سؤال بخصوص تقسيم الأدوار. اللى أنا فهمه إن إنت ومنال الأدمين بتوع المجمع. إنت وسمير المسئولين عن المشاكل التقنية. إنت ومنال وزينب المسئولين عن التصميم والباقى لجنة استشارية. ده اللى أنا فهمه، مش عارف صح ولا لأ، لكن أحب يكون فيه توضيح منك للأدوار.
ولو أنا أو أى حد حب يشارك فى مثلا فى حل المشاكل التقنية، هل فيه مساحة للمشاركة ولا ايه النظام؟
توزيع الأدوار
توزيع الأدوار مش محدد خالص، بمعنى اللي عايز يعمل حاجة أو اللي عنده مرشح لدور معين يقول.
عشان كده أنا بحاول أوثق التفاصيل التقنية حتى لو أنا و محمد سمير اللي قايمين بها دلوقتي عشان يبقى فيه مساحة لأخرين يشاركوا.
طبعا المسألة بتمشي أفضل بكثير لما أنا أٌقسم مهام و أشجع ناس تشارك، يعني مثلا زينب النهاردة بقيت من أعمدة الجناح التقني بس ده جه عن طريق تجنيد و تأهيل و كده.
أخيرا تصوري أن الباقي مش مجرد استشاريين، عندي أمل أن يطلع من المجموعة هيئة تحرير و ناس تستلم موضوع اضافة المدونات مثلا و هكذا.
لو عتدك اقتراجات لكيفية ادارة الموضوع بحيث الناس تأخد أدوار أكبر افتح موضوع جديد.