قرار نهائي بخصوص عدد عواميد المحتوى
طيب اتكلمت أنا و منال أخيرا و قررنا أن عدد عواميد المحتوى هيبقى اثنين.
يمكن يفضل عرض صفحات الوسومات على عامود واحد، لسه مقررناش دي.
هل هنرجع لفكرة عامود عربي و عامود انجليزي على الصفحة الرئيسية ولا لأ دي برضه لسه مخدناش فيها قرار. لكن غالبا هتستنى لحد ما يبقى التصنيف بتاع عربي و انجليزي معتمد على اللغة الفعلية المستخدمة في التدوينة مش على عادة المدون الغالبة.
و برضه نسمع أرائكم
- Login to post comments
- 904 reads
التنين البمبي بيمسى على العمرانية
Syndicate
Comments
اللون يا زعيم
مساء شريف السيد عظمتلو عطوفتلو حظرتلو علاء الاول الشهير بالتنين البمبى تحية طيبة وبعد على كل اهالى التدوين العمرانى الحديث تعلم سيادتك من المرات القليلة التى اسعدنى فيها حظى بلقيا محياك، انى ضعيف النظر سقيما مصابا بقصر وتداخل خطوط يسميه الفرنج إستجماتيزم، ولاجل السبب المطروح اهيب بسيادتك ان تتعطف بجناب كينونتك العليا، وتغير التصميم الموجود عليه المجمع حاليا، وكاقتراح اولى ارجو ان يكون كمثل الهيئة العليا للجناح التقنى بالابيض والاسود، بيض الله ايام وسود ايم اعدائك وحفظك نبراسا وراية وتفضل بجزيل الاحترام مقدمه لاعطافكم السنية ولاعتابكم الجلية العبد الفقير عبدالله النديم
هو من متابعتي
هو من متابعتي للحوارات ,عاجبني كدا الديمقراطية المتاحه هنا,حاجه تشرح القلب الحزين :P
طيب لو ليا رأي يعني يتاخد بيه بما اني مصري بالغ عاقل(وان كان عاقل فيها شك)فانا مع تقسيم عربي وانجليزي,في جزئية مش قادر افهمها يعني ايه لو"ما يبقى التصنيف بتاع عربي و انجليزي معتمد على اللغة الفعلية المستخدمة في التدوينة مش على عادة المدون الغالبة." ممكن شرح عشان اعرف اتكلم يعني لو سمحت يابيه. MaLek-X.net
التصنيف الحالي
التصنيف الحالي للمحتوى معتمد على رأي في المدونة دي يغلب عليها العربي ولا الأفرنجي.
يعني و أنا بضيف مالك بحطه تحت العربي و و أنا بضيف بهية بحطها تحت اللغات الأخرى.
لكن اللي بيحصل أن فيه مدونين كثير بيتنقلوا ما بين لغتين، أتصور أن الأفضل من التخمين بناء على السلوك الغالب للمدون أن يبقى عند اضافة أي تدوينة في برنامج صغير بيبص عليها و يشوف الكلام عربي و لا عنجليزي و يصنف على هذا الأساس.
هرشت سيادتك؟
ايوه يا بيه
ايوه يا بيه جالي جرب من الهرش,طيب ليا طلب كمان,هل من حل ان يكون العمودين في مستوى واحد؟ يعني في حل ان كل مقتطف بيتاخد من التدوينه(انا معرفش النظام حيكون بـ مقتطف او بمجرد عنوان التدوينه)ياخد عدد معين من الكلمات او السطور بحيث ان العمودين يكونوا في مستوى أفقي واحد بدل ما تحصل متاهة؟
MaLek-X.net
أيوه ما أنا
أيوه ما أنا بفكر في الموضوع ده برضه، المشكلة أن فيه تدوينات قصير جدا و بالتالي عشان نحافظ على مستوى مشابه لازم نخلي المقتطف صغير زيادة عن اللزوم.
عموما أنا بفكرلها في حل.
إيه الـ aggregator؟
إيه الـ aggregator اللى بتستخدمه: Aggregator2 ولا Leech - (أ ب ت - لوزن البيدى)
بنستخدم
بنستخدم feedparser
راجع الويكي التقني لو ناوي تشارك
إزاى
أفضل فعلاً يكون عمودين واحد عربى وواحد إنجليزى/فرنساوى. السؤال هو كيفية وسم كل تدوينة بلغة المحتوى زى ما بتقول فوق. تصورى إن ده محتاج cronjob تجرى ورا كل مرة بتعمل تجميع للتدوينات الجديدة وتوسم كل تدوينة بناءاً على لغتها الغالبة.