عدد عواميد التدوينات على الصفحة الرئيسية
يا جماعة تصميم المجمع اتغير بحيث يبقى شبه الرسم الكروكي المنشور هنا
الغرض من تنفيذ التصميم ده رغم أنه لسه محل نقاش هو فتح باب النقاش في موضوع عدد عواميد المحتوى على الصفحة الرئيسية. محدش يتعامل معاه على أنه خطوة نحو تصميم نهائي.
دلوقتي عاوز رأيكم في موضوع عدد عواميد المحتوى
- يا ريت أولا التجربة تبقى بفايرفوكس فقط لأن حاليا التصميم مش شغال مظبوط مع اكسبلورر.
- سبب الاحتياج لأكثر من عامود هو محاولة عرض أكبر عدد ممكن من التدوينات على الصفحة الرئيسية بحيث كل تدوينة تقضي أغلب اليوم ظاهرة على الصفحة الرئيسية لأن أغلبية الزوار مبيهتموش غير بالصفحة الرئيسية فقط.
- تجاهلوا دلوقتي مسألة المحتوى متوزع بترتيب أفقي ولا رأسي و حاولوا تتخيلوا أن كل تدونية هتاخد مساحة أفقية مطابقة أو قريبة جدا من زميلتها اللي جنبها.
- لو عاوز تشوف شكل عامودين فقط اضغط على روابط التصنيف الأساساي arabic, english, favorites, feeds
- لو عاوز تشوف شكل عامود محتوى واحد اضغط على واحدة من الوسومات الموجودة في سحابة الوسومات
يا ريت محدش يعلق هنا على أي عنصر ثاني من عناصر التصميم، النقاش على عدد عواميد المحتوى فقط، لو عاوز تتناقش في التصميم افتح موضوع جديد أو علق على واحد من المواضيع اللي تحت وسم تصميم
- Login to post comments
- 660 reads
التنين البمبي بيمسى على العمرانية
Syndicate
Comments
طيب واضح أن
طيب واضح أن عامود واحد ليه شعبية كبيرة.
لكن زي ما قلت موضوع أن النص يتفرش على أي مساحة عرضية فكرة مش كويسة، في نفس الوقت أنا بعتبر موضوع أن الواحد يحدد حد أقصي لعرض الصفحة أنه غباء شديد و عدم استغلال للمساحة، عشان كده يا ريت اللي عايزين عامود واحد يقترحوا استخدامات للمساحات اللي على جانبي العامود.
مكنش في فرصة أتناقش مع منال في الموضوع لسه بس أظن أنن بعد أرائكم دي هنلغي أطروحة الثلاث عواميد خالص و نميل ناحية العامودين أكثر.
عمود واحدl,]
عامود واحد افضل من فكرة الثلاثة اعمدة ويمكن الاختصار شوية يعنى الاكتفاء بعنوان التدوينة واول سطر منها فقط
أنا كمان أفضل
أنا كمان أفضل عامود واحد ضيق، مع أني عارف إن معظم الناس مش بيتزلوا لآخر الصفحات الطويلة. أعتقد أن المستخدمين المعتادين على الموقع هيبدأوا في استعمال الخصائص الجديدة (مدوناتي المفضلة؛ التقسيمات اللغوية و الجغرافية...)، و هتفضل الصفحة الرئيسية للمستخدم غير الوالج، ال هو يا إما ال مكسل يستعمل حسابه (و دي أغلبية) أو ال ما عندهوش حساب (مستخدم أول مرة أو أكسل من الكسل).
علاء، ينفع نخلي التصفح الزمني متقسم: صفحة اليوم، صفحة امبارح، صفحة أول امبارح، صفحات الأسبوع؛ صفحات الأقدم من أسبوع؟
http://gharbeia.net
عامود واحد
عامود واحد أفضل كتير جدا للعين بس بردو عشان فكرة ان التدوينة تفضل وقت أطول على الصفحة الرئيسية لها وجاهتها ممكن نخليهم عامودين و زي ما قلت التدوينات تكون واخدة مساحات متقاربة لكن 3 فعلا متعبة جدا حتى لو التدوينات بنفس المساحات
ايه يا جماعة هو
ايه يا جماعة هو أنتم ملكوش غير في مناقشة النطاق؟ محدش هيعبرنا غير طارق
أنا شايف إن
أنا شايف إن عامود واحد أنسب للعين فالمتابعة الرأسية أسهل من الجري ورا المقالات أفقيا و رأسيا و ممكن في المقابل زيادة عدد التدوينات الموجودة في الصفحة الرئيسية و يمكن تقليل الأسطر المعروضة من كل مدونة لو إقتضى الأمر بسبب بطء التحميل أو ما شاكل
Green Data http://gr33ndata.blogspot.com http://kelmeteen.blogspot.com
مش مقتنع قوي
مش مقتنع قوي بموضوع صعوبة المتابعة الأفقية دي بما أننا متعودين على فكرة السطور الأفقي، أظن المشكلة بتبقى لما كل تدوينة تاخد مقاس مختلف بحيث يصعب أنك تقرأهم كأنهم سطور.
عامود واحد معناه أن لقراءة تدوينة واحدة لازم تحرك عينك و ده أدبيات صف الكتب و تصميم المواقع كلها بتقول أنه أسوأ حاجة ممكن تعملها (أنا شخصيا بحب البراح).
احصائيا الروابط اللي الوصول ليها يحتاج سكرول كثير محدش بيدوس عليها، و ثلاثين تدوينة فوق بعض الناس بتحسهم مجهدين أكثر من ثلاثين تدوينة مرصوصين على عامودين أو ثلاثة.
انا مش معترضة
انا مش معترضة على عامودين او تلاتة او عشرة.. حتى كمان فكرة ان الواحد يجيب الشاشة من يمينها لشمالها عشان يقرا هتبقى متعبة، فالتقسيم انا مقتنعة بيه، بس مش بالشكل اللى موود دلوقتى ان التدوينة اللى بتنزل بتزيح اللى قبلها افقيا، دا اللى بجد متعب يا ريت كل عامود يكون مستقل بذاته، زي فى المجمع القديم، انا مكنتش بلاقى مشكلة ابدا مع عامودين العربى والانجليزى
http://bentmasreya.blogspot.com