30 فبراير الجناح التقني

إمبارح فكرت فكيرة لذيذة كدة وقلت اقولها لكم
ايه رأيكم فى اسم EBA عشان يبقى إختصار ل
Egyptian Blogs Aggregator
وفى رأيى أن الاسم لطيف اولا لسهولته ثانيا لقصره، ثالثا لدلالته
ومتهيألى أن الحاجة جووجل مش هتنشن عليه http://nadimyat.manalaa.net

مش احنا استقرينا على حاجة تانية - ليه آسلوب فرض الأمر الواقع ده

تسقط الدكتاتورية

حسب ما أنا فاهم أن البرزخ هو مكان الفصل، و ليس الالتقاء "مرج البحرين بينهما برزخ _لا يلتقيان_". و من دا، و تحت تأثير الفلسفات التي تؤمن بوجود "مكان ثالث" غير الجنة و النار، أو مطهر limbo، أصبح هناك في بعض تيارات الفكر الإسلامي "برزخ"، أنا مش عارف وظيفته بالضبط، لكن ما الموضوع على بعضه غير مناسب في رأيي.

القِرطاس هو الورق. kertas.net ممكن يكون "قرطاس المدونات المصرية"، و هي ترقية بعد ما كان جزء من جردل :) و أهو ال مش فاهم هو إيه مش هتفرق معاه بما أنه اسم سهل و خلاص.

أنا في الحقيقة ليست لدي اعتراضات على العمرانية. في النهاية دا مجمع و ليس المجمع. يعني ممكن يكون في غيره كتير. عمري ما ستخدمت مندرة كفاية و الاسم مش مرتبط بحاجة عندي و مش بحبه.

سلالم salalem هايل؛ معبر و سهل. بس المهم ما نحاولش نفسره أو نضيف بعد على معنا. بس ممكن نبقى نعمل الشعار اللقطة المشهورة من فلم "الدبابة بوتمكن"

BARZAKH.INFO موجود ممكن بقى Barzakh.manalaa.net و اهو يحمل حقوق الملكيه لاصحاب المجمع

..

كمان barzakh.info ب 2 دولار في السنه !!! يعني 12 جنيه .. اهو توفير .. بعدين باعتبار ان المجمع بيوفر معلومات عن التدوين و خلافه و بيتم تحديثها اكتر من كونه مدونه شخصيه فدوت انفو معقول متهيالي !!

..

سؤال تقني .. هو ماينفعش نحط eg بعد دوت نت مثلا ؟؟

اساسا انا مع عمرو غربيه في ان اسم النطاق يبقى انجليزي .. بس لو لازم موضوع الفرانك عرب المصري ده فانا عاجباني فكرة وائل خليل بتاعت الميه السخنه و الساقعه كمثال لالتقاء الاضداد

نسميه برزخ

Barzakh.net متاخد

.. ممكن يبقى egybarzakh.net

ofegypt

egyptscribes

egyptianscribes

egyptish

egyptianish

egyptiani

نرجع للأول. كل الاقتراحات العربية محتاجة تصويت لاتيني علشان اسم النطاق. في جميع الحالات أي سبعات أو ثلاثات في اسم النطاق لتدل على أصوات حروف العربية موضوع فاشل تماما. لازم تبقى عارف اسم النطاق أصلا علشان تعرف تنطقه. الخواجات يمتنعون.

أفضل أن اسم النطاق يبقى انجليزي تماما، و اسم الموقع العربي احنا أحرار فيه. موافقين نركز في اسم النطاق الأول، و بعدين نشوف اسم الموقع؟ دا معناه أننا نرجع لاسم نطاق إنجليزي تماما.

http://gharbeia.net

معلش جيت متأخر عشان الأعياد شغلتنى شوية، كل سنة وإنتم بخير إن شاء الله. المهم، فى الواقع أنا مش مختلف مع أى اسم للنطاق لأن أى إسم ممكن نعمله قصة ونديلة معنى لكن رأيى كالآتى:

• بلاش أسماء قبطية ولا إسلامية لأن الاتهامات جاهزة بالعنصرية والتمييز ويجب أن ننتبه إنه التاريخ المصرى ليس فرعونى قبطى إسلامى فقط.
• بلاش أسماء عربية لأنها لن تعبر عنا كمصريين
• بلاش أسماء عالمية لنفس السبب السابق + قصص الموالاة للعولمة الغميقة دى

بإختصار عايزيين إسم مصرى بيعبر عن واقعنا المصرى الفريد وعليه لا أويد أسماء مثل: محطه - مطرح - نبع - نهر - مكان - الساحة. كلها أسماء عامة تليق على الشوام (سوريين - عراقيين - أردنيين - فلسطينيين) أكتر

وأويد بشدة: فسحاية (فيها إيحاء بحرية - بالجدية واللعب أحياناً - بفساحية للسياسة وفساحية للفن وفسحاية الخاصة - إيحاء أيضاً بالمساواة) وفوق كده: مصرية 100%

أيضاً مندرة مش بطالة لكن فيها نوع من الفوقية