فى نقاش حول اليات تزكية المحتوى , ظهر احتياج لصفحة تشرح امكانيات المجمع. دية مسودة ارجو التعديل عليها للوصول لاوضح شكل ممكن. فكرة الشرح هتقوم على كيفية الاستفادة من الامكانية او الخدمة. اول مرة اكتب حاجة زى كدة لو اسلوب الكتابة مش مناسب من اساسة ياريت حد يقترح اسلوب افضل.

المجمع يحتوى مجموعة من الامكانات المفيدة , لكن تحتاج ان تسجل نفسك (register)ولا تنسى الولج(Log on) عند دخولك للاستفادة بكامل الخدمات المتاحة فى مجمع المدونات المصرية.

Bookmark this page

اذا كنت تستخدم اكثر من حاسوب (المنزل , العمل , مقاهى الانترنت ....) فى تصفح المدونات هذة الامكانية مناسبة لك تماما, لانها تحفظ لك التدوينات المفضلة فى مكان سهل الوصل لة من اى حاسب على العكس من الخفظ على الحاسب الشخص الذى يصعب الوصل لة احيانا. فى اخر التدوينة ستجد مجموعة من الاختيارات اضغط على Bookmark this page لحفظ الصفحة التى قمت بقرائتها. عندما تريد تحميل صفحاتك المفضلة ابحث عن مستطيل على اقصى يمين الصفحة اسفل مستطيل الاعلانات ستجد Bookmark this page اضغط عليها لرؤية الصفحات المسجلة.

Tag post

خلاص مسحنا المدونات اللي لم تجدد من سبتمبر 2006.

تقدروا تشوفوا قائمة المدونات اللي في المجمع عن طريق http://omraneya.net/aggregator/opml

لما نلاقي وقت هنحاول نعمل قسم للمدونات الجديدة

أولا شوية احصائات عن مدونات المجمع

• عندنا 4 مدونات لم يتم تجديدهم من 2004
• 130 مدونة لم يتم تجديدها من 2005
• 200 مدونة لم يتم تجديدها من منتصف 2006
• 150 مدونة لم يتم تحديدها من أربع شهور
• 350 مدونة لم يتم تجديدها في 2007

من أصل 1431 مدونة

واضح تماما أن فيه مشكلة هنا، و خدوا في اعتباركم أننا مأجلين اضافة أعداد كبيرة من المدونات لقلة الامكانيات.

أظن مفيش جدل أن مطلوب نمسح المدونات الغير ناشطة (لو عندنا ليها أرشيف كبير ممكن نتيحه لكن متبقاش جزء من المجمع).

بس يا ترى ايه هو تعريف المدونة الغير ناشطة؟ يعني مفيش شك أن اللي مججدش من 2005 مش ناشط لكن 4 شهور؟ شهرين؟

أظن من خصائص مجتمع التدوين المصري أن فيه ناس كثير مقلة أو تدوينها متقطع و مع ذلك ليهم شعبية، و المجمع أداة كويسة لدعم ده و في رأيي ده ألطف بكثير من التدوين الاسهالي الذي يدون فيه المدون من باب الحفاظ على الرتم مش من باب أنه عنده حاجة عاوز يقولها.

يبقى عاوزين قاعدة كويسة تتعامل مع الرتم المصري اللطيف و في نفس الوقت تخف على المجمع شوية.

هاه ايه قولكم المدونة بتموت بعد كام شهر من انعدام التدوين؟

ثاني حاجة عندنا 4 مدونين خارقين بيدونوا في المستقبل (2008 من دلوقتي) دول في رأيي المفروض يتمسحوا تماما عشان مش ناقصة خيال علمي.

بعد النقاش المطول عن أساليب تزكية المحتوى بدأنا فعلا في العمل على الموضوع ده و ركبنا وحدات تسمح للزوار المسجلين أنهم

• يضيفوا تدوينة الى مفضلاتهم (bookmark this page)
• يوسموا تدوينة (tag post)
• يقيموا تدوينة تقييم ايجابي أو سلبي (vote +/-)

و بالنسبة للزوار الغير مسجلين (و معهم المسجلين طبعا)

• يرسلوا تدوينة بالبريد لصديق (email this page)

ده بالاضافة لمتابعة أكثر التدوينات قرائة.

لسه معملتش أي تحليل احصائي أو تزكية حقيقية الموجود المتاح دلوقتي هو تجميع البيانات فقط، قبل ما أشتغل على التحليل الاحصائي و التزكية محتاجين نتأكد أن الوظائف دي كلها متصدرة بشكل مفهوم للزائر و أن الزائر الغير مسجل عارف أن الكلام ده متاح و أنه محتاج يسجل عشان يستخدمه.

هل عندكم اقتراحات ايه اللي نغيره في عرض الوظائف دي بحيث تبقى واضحة و مشجعة أكثر؟

سبق أن طلبت ذلك من علاء فى تعليق لكن يبدو انه نسى
المشكلة ببساطة أنى وغيرى من بعض المدونين نعانى من ضعف النظر، لذا فانا اطلب بالنيابة عن ضعاف النظر إعتماد تيمة مختلفة ولتكن تيمةالجناح التقنى مثلا
عشان عيني ترتاح وعين غيرى من اللى نظرهم ضعيف وكمان ماتحسش بالزحمة إللى على الصفحةالرئيسية بتاعت المجمع

يا ريت يا جماعة أكبر عدد يشارك برأيه في الموضوع ده

واحدة من آليات تزكية المحتوى هي أو زوار الموقع يعملوا تقييم للتدوينات، فيه أكثر من طريقة لعمل التقييم و أحب أسمع اقتراحاتكم

أكثر طريقة دارجة هي النجوم، يعني لكل تدوينة تقدر تديها تقييم من نجمة الي خمس نجوم، ميزة النظام ده أنه مفهوم للأغلبية، يعني مجرد وجود نجوم ينفع يضغط عليها الناس هتفهم ايه المطلوب منها.

المناقشة اللي بدأت بعد طلب شريف نجيب حذف مدونته من المجمع طولت و أكيد كلكم زهقتم.

النتيجة النهائية للمناقشة هو أن مفيش حاجة أسمها حق المدون في حذف مدونته من المجمع.

لكن بما أن حتى اللي أقروا بانتفاء الحق اعتبروا أن الذوق يحتتم حذف المدونة أصدرنا الفرمان التالي

• سيتم حذف المدونات اذا طلب أصحابها
• منال و علاء بس اللي ليهم صلاحية حذف المدونات
• الحذف أساسا منعا للنفسنة و لصعوبة شرح انتفاء الحق للدهماء، لكن في حالة مطالبة مدونة نعتبرها مهمة بالحذف ممكن نختار نتجاهل الطلب
• هيتكتب في مكان ما (التذييلة، سياسة الموقع) نص بيوضح ان التدوينات المنشورة منشورة بدون الرجوع الى أصحابها

وتم حذف مدونة شريف نجيب من المجمع، و الخسارة خسارتنا أحنا طبعا.

هماسؤالين في السريع

1- مين اللي بيحدد اللي في قسم الفطاحل؟وعلى أي اساس؟ وهل لحد حق

التزكية او الإعتراض,وازاي المدون لما يحب انه يترقى ويبقى فطحل قد الدنيا يعمل ايه ؟ وهل يشوب الموضوع دا نوع من انواع المجاملات,الصحوبيه,الأيدلوجيه,الخ؟

2- تلقيمة المجمع مش شغاله ,حاولت ابص عليها النهارده وامبارح ومن يوم مافتح وهي مش بتعطيني اخر التطورات بس بتعطيني صفحه عبيطه فيها ان المجمع اتنقل وغيروا الروابط الخ,امتى حتشتغل ؟

كده يا شباب يبقى بقالنا نصف شهر و شوية شغالين بالاعلانات و ده ميعاد التقرير المالي الأول

الحلقة السابقة

لما تقرر فصل المجمع قررنا تأجير سيرفر يتكلف 150$ في الشهر و تولي السيد بيسو مشكورا مهمة جمع تبرعات لتغطية تكلفة 3 أشهر على أساس أن دي فترة كافية لتحصل عائد الاعلانات.

بيسو جمع حوالي 400$ فعلا و دفعنا 150$ لشهر يناير و عدا نصفه أهوه.

المعلنين

الاعلانات على الوب أنواع، أبسط نوع و أريحه هو أنك تدي مساحة من صفحتك لشركة تقوم بدور وكالة اعلانات، الشركات دي ممكن تكون بتبيع المساحة بتاعتك لزباين بعينهم أو بتعرض اعلانات عشوائية أو بتعرض اعلانات مرتبطة بالمحتوى اللي عندك، بعد كده الحساب بيبقى بعدد الزيارات لكن الزيارات فقط بتعمل عائد بسيط جدا العائد الحقيقي بيجي لما حد من زوارك يضغط على الاعلانات.

أغلب وكالات الاعلانات السيبرية بتشترط أن الصفحة تكون انجليزية و كثر منهم مش بيحاسبك غير على الجمهور اللي بيجي من بلاد بعينها. (الولايات المتحدة مثلا).

في البداية اعتمدنا على اعلانات جووجل فقط لشهرتها الواسعة، جووجل بتحاول تظهر اعلانات مرتبطة بمحتوى صفحتك أو بالسياق الديموغرافي لزوارك، بسبب المحتوى و الجمهور العربي الاعلانات المطابقة للمحتوى قليلة جدا.

يا ريت أسمع اراء ناس كثير المرة دي.

السؤال هو نعمل ايه لما مدون يطلب رفع مدونته من على المجمع؟

قبل كده كانت سياستي أني بما أني معتبر وجود تلقيمة ده رخصة ضمنية تسمحي باعادة نشر المحتوى طالما التزمت بتوضيح مصدر المحتوى و الربط اليه.

و حصل فعلا يجي خمس مرات أو أكثر أن ناس تطلب رفع مدونتها من على المجمع و رفضي كان دائما نتيجته خناقة معاهم (خناقة واحدة بس منهم اللي كانت علنية).

امبارح شريف نجيب طلب رفع مدونته و محتاجين ناخد قرار سياسة المجمع الجديد ايه في الموضوع ده.

منطق عدم الرفع

• في البدايات كان فيه ناس بتقول كلام رومانسي عبثي من نوع أن النت مفيهاش جنسيات و بالتالي عمل مجمع على بنية قومية عبث و أنا مش عاوز أتصنف مصري و كلام من ده، الكلام ده شكله حلو و منطقي و كان ممكن جدا نصف المدونين الأوائل ياخدوا نفس الموقف.
• يفترض الرافض ملكية المدون لتعبيره عن أفكاره، موقفي من الملكية الفكرية و حقوق النسخ راديكالي لا يعترف للمؤلف غير بالحق الأدبي، أخلاقيا مش مفروض يكون ليك أي تحكم على ما تنشره (ما لم تنشره موضوع ثاني طبعا).

الحل الأمثل إن تبقى في تلقيمة لكل وسم و لكل مجموعة لغوية. يفضل كمان إن التلقيمات تربط للتدوينات نفسها مش لعقدة التدوينة على المجمع.

علاء شايف إن دا استخدام موارد غير مبرر ﻷن مهم الناس يمروا على المجمع علشان الإعلانات مثلا. طبعا احنا لسة ما جربناش الحمل على الخادوم هيبقى عامل إزاي مع الحل الأمثل، لكن في جميع الأحوال، الحلول البديلة هي:

• تلقيمة تربط لعقدة التدوينة في المجمع، على شرط أن تظهر التلقيمة اسم المدونة و مؤلف التدوينة، لا أن يكون المؤلف علاء باعتباره منشئ العقدة. الواحد بيقرا مقتطفات من مدونات و ما بيبقاش عارف مين أصحابها علشان علاء كاتبهم كلهم، و لازم يفتح كل العقد، و دا هدر أكبر للموارد.

• تلقيمة تربط مباشرة للتدوينة على أن يظهر إعلان في التلقيمة نفسها.

الاقتراح التالي جه في دماغي كنتيجه للخناقه اللي في جروب المدونين على جووجل و اللي اظن اغلبكم هنا عارفها

http://groups.google.com/group/bloggers-eg/browse_thread/thread/c5b99cf612eda232/ed94869c101f4f4e

اولا انا هنا باكتب من منطلق اناعايز المجمع اللي ازوره يبقى شكله ايه .. و الحقيقه انا باحترم جدا حق اي حد يدخل يشوف تدوينات على المجمع انه مايتصدمش بلغه او كتابات ممكن تكون مش مناسبه ليه .. و في نفس الوقت انا في المطلق مع نشر كل و اي شيء في المجمع .. طيب ايه الحل ؟؟

.. فكرتي بسيطه و اتقالت قبل كده .. متهيألي عمل شيء اشبه ب rating حايكون واقعي جدا .. فكرتي هي تكوين فريق من غير النشغلين بالجانب التقني البحت - انا متطوع - و يكون من اعضائها ناس محافظه و ناسس لأ .. يعني اتجاهات مختلفه و نبتدي نشتغل على وسم المدونات اللي بتحتوي في الغالب و ماسلوب مستمر على لغه حاده ( زي ابو الليل و ابليس و يحيى مجاهد و غيرهم ) او اللي بتهاجم مقدسات دينيه زي نكنييف و عبالكريم ربنا يفك سجنه مثلا .. و يتعمل زي لسان للتدوينات الخاليه من النوع الاول او الثاني او كليهما .. زي اللسان الخاص بالفطاحل دلوقت مثلا ..

وصف لآليات تزكية المحتوى بشكل تشاركي، غالبا الصفحة دي هتشكل وصف دقيق للامكانيات المطلوب توفيرها لمستخدمي المجمع، لاحظ مع زيادة عدد الوظائف بيزيد التعقيد، دروبال غالبا قادر على أداء كل الحاجات دي ببساطة لكن أننا نعرضها بشكل سهل الاستخدام و مفهوم و نوثقها و نشجع الناس تستخدمها ده هياخد مجهود كبير و غالبا مش هينفع من غير مشاركة المجموعة (يعني زينب تعمل أيقونات جذابة، عمرو غربية يكتب شرح الخ).

بالنسبة للي بيعرفوا دروبال يا ريت تقترحوا وحدات دروبال قادرة على تنفيذ الوظائف دي و يا ريت تجربوها قبل ما تقترحوها محدش يقترح وحدة بناء على قرائة وصفها فقط.

ارسل التدوينة بالبريد

• مع احصائيات عن أي التدوينات أرسلت أكثر و هكذا
• وظيفة متاحة لغير المسجلين بالموقع
• does it support views module ??

تدوينات مفضلة:

• للمستخدمين المسجلين
• امكانية عمل مجموعات مستخدمين أو حلقات أصدقاء؟
• تعمل على مستوى التدوينة مش المدونة
• does it support views module ??

صمم مجمعك

• مثل المفضلة لكن على مستوى المدونة
• مشابه لتصنيف فطاحل الحالي

يستطيع المدون المسجل أنه يربط حسابه بمدونته

• غالبا ستؤجل لصعوبة تنفيذها

التصنيف الشعبي:

• بالتدوينة و ليس المدونة
• متاح للمسجلين
• سحابة وسومات العضو
• سحب لمجاميع أو حلقات أصدقاء؟

تقييم

ماشي با بني أدمين، يعني محدش عبرني غير ربيع؟

ما علينا، ثاني آلية مقترحة لتزكية المحتوى هي الوسوم.

حاليا المجمع بينقل بيانات التصنيف من المدونات (لو كانت المدونة تستخدم التصنيف) لكن تصنيف المدون حاجة و تصنيف القراء حاجة ثانية خالص.

فمثلا لو أنا عايز أعمل حملة أقدر أختار وسم للحملة دي و أوسم كل التدوينات اللي ليها علاقة بالحملة تحت الوسم ده (استخدم فعلا في حملات التضامن مع شخصي الغير متواضع و مع عبد الكريم)، ممكن كمان تستخدم لتجميع كل التدوينات اللي عن التحرش الجنسي مثلا، أو كل التدوينات اللي تمثل الصحافة الشعبية، و ممكن طبعا استخدام الوسم (و التصنيف الشعبي) كأداة للاشارة للمحتوى الخالي من (أو الملئي ب) البذائات أو الهجوم الشخصي الخ.

يمكن بسهولة اضافة امكانية أن قراء المجمع يوسموا التدوينات، لكن هل دي فعلا فكرة كويسة؟

هل ممكن تنجح؟

هل محتاجة مشاركة عدد كبير من القراء عشان تنجح؟

ايه رأيكم؟ (بكره هنتكلم عن آليات أخرى لتزكية المحتوى).

في المناقشات اللي فاتت طرحت فكرة تزكية المحتوى راجع تقسيم فئات الزوار

المسألة أن عدد المدونات في تزايد سريع و بالتالي متابعة المدونات بقيت صعبة، خصوصا للي مش هيزور الموقع بشكل يومي، فأحنا عاوزين آليات مختلفة ننقي على أساسه عدد قليل من التدونيات و نقترحها على الزوار.

في تصوري أفضل نظام هيبقى بيقدم اختيارات مختلفة لكل فئة و يمكن حتى اختيارات مختلفة لكل فرد، و الويكاند الجاي ناوي أتكلم معاكم شوية في أفكار تزكية المحتوى.

لكن قبل ما ندخل في الكلاكيع في وسيلة بسيطة جدا لتزكية المحتوى و هي اختيار مجموعة محدودة من المدونات (مش التدوينات) و نصدرها.

حاليا فيه لسان بيقول favorites، و ده فيه المدونات اللي أنا بحب أتابعها.

تعالوا نوسع هامش الديمقراطية، المطلوب منكم دلوقتي كل واحد يقولنا على المدونات اللي بيحب يتابعها أو اللي بيوصي بيها و هنضمهم لقائمة الفطاحل و بعدين نبقى نتناقش في معايير.

مش لازم تذكر مدونة لو ذكرت من قبل، دي مش مسابقة شعبية.

مبدئياً كده ممكن نحط المطلوب كالتالى:

• إكتشاف مدونات جديدة
• إضافة المدونات جديدة
• تغيير الشعار
• وضع وسومات قياسية
• وسم التدوينات بوسومات مناسبة لمحتوى التدوينة وليس المدونة ككل
• المساعدة فى تصليح موديولز modules للمجمع
• upgrade issues
• أخذ نسخ احتياطية لمحتوى المجمع والتأكد من سلامته
• التصميم على ورق
• التصميم بـتيمات (CSS+PHP)
• إذا ناويين يبقى على المجمع منتدى لدعم التدوين فلابد يكون فيه مديريين لمختلف الأبواب
• المسئول عن تنظيم الحملات ووسمها وتجميعها فى صفحات خاصة بها

حد شايف أدوار تانية؟

كان مكوم عندي حوالي 200 طلب اضافة مدونات من أكتوبر و النهارد أخيرا عديت عليهم كلهم و أضفت المدونات الناقصة.

نسبة كبيرة من الناس بتبعت تطلب اضافة مدوناتها من غير ما تذكر مسار المدونة !!!!

المهم المجمع دلوقتي فيه 1428 مدونة (بعد مسح المدونات اللي اختفت). أظن حلقة المدونات المصرية فيها يجي 200 مدونة كمان مش عندنا و طبعا فيه مكتوب و جيران و myspace و ما شابه لم يضافوا (و احتمال لن يضافوا).

طيب اتكلمت أنا و منال أخيرا و قررنا أن عدد عواميد المحتوى هيبقى اثنين.

يمكن يفضل عرض صفحات الوسومات على عامود واحد، لسه مقررناش دي.

هل هنرجع لفكرة عامود عربي و عامود انجليزي على الصفحة الرئيسية ولا لأ دي برضه لسه مخدناش فيها قرار. لكن غالبا هتستنى لحد ما يبقى التصنيف بتاع عربي و انجليزي معتمد على اللغة الفعلية المستخدمة في التدوينة مش على عادة المدون الغالبة.

و برضه نسمع أرائكم

أظن محتاجين نتحرك أسرع من كده، النهاردة أنا و منال اخترنا egyptscribes.net

كنا معجبين بفكرة وائل لكن مفيش اقتراح بعينه شدنا و كان متاح.

بخصوص اسم الموقع احنا لسه مقررناش حاجة بالذات لكن أظن مطلوب حاليا أن يفضل اللي مكتوب على الترويسة "مجمع المدونات المصرية" عشان يبقى واضح للناس ايه الموقع ده و ايه وظيفته، مسألة اسم الموقع هتبقى مرتبطة أكثر باللافتات و اللوجو و كده.

وفقا لويكيبيديا

A scribe (or scrivener) is an ancient professional whose job involved learned reading and writing, especially within the Renaissance Age. This work usually involved secretarial and administrative duties such as taking of dictation and the keeping of business, judicial and historical records for kings, nobility, temples and cities. Later the profession developed into public servants, journalists, accountants and lawyers. However, present-day journalists and authors tend to be the closest to the ancient profession.

....

The Egyptian scribe was an important profession, and a tradition of schooling scribes developed. The scribal profession also had its companion people who were the painters and artisans who decorated tombs, buildings, furniture, statuary, etc with pictures, but often with hieroglyphic text.

وفقا لويبستر scribe الفعل معناه

To write, engrave, or mark upon;

يا جماعة تصميم المجمع اتغير بحيث يبقى شبه الرسم الكروكي المنشور هنا

الغرض من تنفيذ التصميم ده رغم أنه لسه محل نقاش هو فتح باب النقاش في موضوع عدد عواميد المحتوى على الصفحة الرئيسية. محدش يتعامل معاه على أنه خطوة نحو تصميم نهائي.

دلوقتي عاوز رأيكم في موضوع عدد عواميد المحتوى

• يا ريت أولا التجربة تبقى بفايرفوكس فقط لأن حاليا التصميم مش شغال مظبوط مع اكسبلورر.
• سبب الاحتياج لأكثر من عامود هو محاولة عرض أكبر عدد ممكن من التدوينات على الصفحة الرئيسية بحيث كل تدوينة تقضي أغلب اليوم ظاهرة على الصفحة الرئيسية لأن أغلبية الزوار مبيهتموش غير بالصفحة الرئيسية فقط.
• تجاهلوا دلوقتي مسألة المحتوى متوزع بترتيب أفقي ولا رأسي و حاولوا تتخيلوا أن كل تدونية هتاخد مساحة أفقية مطابقة أو قريبة جدا من زميلتها اللي جنبها.
• لو عاوز تشوف شكل عامودين فقط اضغط على روابط التصنيف الأساساي arabic, english, favorites, feeds
• لو عاوز تشوف شكل عامود محتوى واحد اضغط على واحدة من الوسومات الموجودة في سحابة الوسومات

أولا : شكل الصفحة معقول ، لو فيه اقتراحات تانية مش هاتبقى مني

ثانيا : يمكن أنا بادخل على المجمع أكتر من مرة في اليوم من مرتين الى تلاته ، علاء كتب عن الناس اللي بتزور المجمع كتير ، و دول اللى باتكلم عليهم ، هو اقترح نخصصلهم رابط داخلي للمتابعة اليومية ، و مساعدة في معرفة كل جديد ، أظن أسهل وسيلة للمساعده هي تقسيم التدوينات حسب تاريخ الظهور ، يعني يتعمل رابط للتدوينات اللي اتنشرت بتاريخ انهارده و قبله امبارح و هكذا

ثالثا : ده بيودينا لنقطة تانية ، انا باسأل ، ايه الالية المتبعة لنشر التدوينات على المجمع؟ يا ترى بيتعمل مسح للمدونات المصرية كل يوم و لا كل كام ساعه؟ و لا ايه اللي بيتم؟ ، انا ماليش في الحاجات التقنية دي ، كل اللي عايزه ان لما تدوينة تتنشر اجي و الاقيها بأسرع وقت موجوده على المجمع ، يمكن الموضوع ده صعب تقنيا ، بس أظن ده حل مثالي

ليه أنا باقول كده؟ أنا عايز أدخل على المجمع مرة واحده في اليوم، مثلا بعد الساعة اتناشر باليل ، أروح على رابط التدوينات اللي اتنشرت انهارده ، اقراها أو افرها كلها ، مش عايز حاجه منها تفوتني

رابعا : (و ده كان اقتراح من مدونة بس مش فاكر اسمها ايه ) مش عايز كل التدوينة تظهر على المجمع ، كفاية أول كام سطر و اسم المدون أو اسم المدونة ، مع طبعا الوسومات الخاصة بالت

ده تصور مبدئي لشكل الصفحة الرئيسية

• الترويسة هيكون فيها شريط البحث
• مربع الفقرة التقديمية يمكن يحل محله مربع آخر أخبار الصحافة الشعبية في الصفحات غير الرئيسية
• يمكن اضافة لافتة حملة فوق مربع الولوج أو في وسط الاعلانات
• مربع اللافتات مخصص للافتات المجمع و رابط يشرح كيفية الربط الينا

الصفحة الرئيسية

• تحجب لصالح حملة في حالة اعتقال مدون أو صحفي شعبي و يمكن في حالة اعتقال الكترونية أخرى
• مساحة للحملات
• مساحة لخبطات و أخبار الصحافة الشعبية و أخبار التدوين المهمة
• مساحة لأخبار المجمع (أقل أهمية)
• مساحة لأحدث المدونات (حاليا من كل المدونات، لاحقا محتوى مزكى للقارئ الغير منتظم)
• روابط ملاحة مخصوصة
• فقرة تقدم الموقع مع رابط لشرح أكثر تفصيلا

العقد (التدوينات)

• ملاحة مخصوصة
• روابط للتصنيفات الأساسية
• روابط لأحدت التدونيات في التصنيفات الأساسية
• روابط لأهم التدونيات

صفحة تصنيف

• ملاحة مخصوصة
• روابط للتصنيفات الأساسية
• روابط لتصنيفات مرتبطة
• روابط لأهم التدوينات تحت التصنيف اياه

كل الصفحات

• ملاحة
• سحابة وسوم
• استمارة الولوج (أوعى العربي)
• استمارة البحث

ممكن يكون فيه مساحة لتزكية المحتوى على كل الصفحات، ممكن الحملات تبقى على كل الصفحات.

محدش بياكلها بالساهل

اعلانات جووجل معتمدة أساسا على وجود محتوى انجليزي و لذا

• اسم الموقع بالانجليزية لازم يكون ظاهر في كل الصفحات
• يحبذ روابط التدوينات الانجليزية تكون ظاهرة في أغلب الصفحات

اللغة

• ينقسم الزوار الي قارئي اللغة العربية و غير قارئي اللغة العربية.
• يحسب ضعاف اللغة العربية في نفس فئة من لا يعرف العربية تماما
• المهم من الخواجات هم الصحفيين، النشطاء، الديبلوماسيين، الباحثين و المقيمين في مصر
• لن يتابع المجمع مدونات بلغات غير العربية و الانجليزية
• رابط واضح على كل الصفحات يؤدي الي صفحة المحتوى الانجليزي الأساسية

قديم ولا جديد

• زوار متابعين كثيري الزيارة (اللي هما كل يومين أو أكثر)
  • مش مهم بالنسبة لهم الصفحة الرئيسية، يمكنهم الاعتماد على رابط داخلي للمتابعة اليومية
  • محتاجين مساعدة في متابعة كل جديد
• زوار متابعين قليلي الزيارة (اللي هما مرتين في الأسبوع أو أقل)
  • محتاجين تصنيف
  • محتاجين مكان لمدوناتهم المفضلة
  • محتاجين مكان للمدونات الجديدة
  • تزكية محتوى
• زوار غير متابعين لكن عارفين الموقع
  • تزكية محتوى
  • أهم الميمات، الحملات، الأخبار
  • طريقة سهلة لمتابعة موضوع سخن اليومين دول
• زوار وصلوا عن طريق جووجل و أخواتها
  • رابط سريع و واضح لنص قصير يشرح الموقع و التدوين و التجميع
  • روابط تشد الانتباه
• زوار وصلوا عن طريق رابط أو نصيحة أعطتهم فكرة واضحة عن الموقع
  • روابط سريعة لشرح لامكانيات الموقع و كيفية الاستفادة منه
  • روابط سريعة لشرح للموقعة و التدوين بشكل موسع (حيث أنه غالبا هيجوا بتصور محدود مثل أن التدوين هو المعارضة الجديدة)

منال أخيرا قرأت المناقشات كلها و اتكلمنا في موضوع اسم النطاق و أدي اللي أحنا توصلنا اليه.

هنغير فعلا عمرانية، فكرة وائل خليل هي الفكرة الوحيدة المقبولة، يعني بطلوا تقتروا حاجات فيها blog أو دون أو جمع أو aggregate أو اختصارات.

ده عرض ثاني لفكرة وائل مع الاقتراحات اللي جأت في السكة دي:

اسم علم أو اسم مكان أو اسطورة تنفعنا هنا. فبدلا من أسم (مجمع) نختار اسم من التاريخ المصري- القبطي- الإسلامي- العربي- العالمي له علاقة بهذا المعنى:

• حيث يلتقى الناس ويتحادثون
• حيث يلتقى الأضداد
• مكان في النهر/البحر يلتقى به التيار الساخن والبارد
• شخصية تاريخية/اسطورية عرفت بالترحال وجمع المدونات من أركان الأرض الأربعة
• وهكذا دواليك

أقتراحات

• محطه ma7ata
• مطرح matra7
• نبع nab3
• نهر na8r
• مكان makan (محجوز بالفعل)
• مندرة
• فسحاية
• الساحة

الناس اللي كانت مشغولة في العيد و رأس السنة و ما شابه، ده تلخيصي للنقاش حوالين اسم النطاق.

أتمنى أننا نخلص النقاش في الموضوع ده على يوم الأربعاء بالكثير قوي

الاقتراحات مقسومة الي تصويت لكلمات عربية و دول يعيبهم أن مفيش قاعدة للتصويت و بالتالي ممكن يحصل لخبطة لو حاولت تقول لحد على المسار شفاهية و كلمات أعجمية و دي مفيش خلاف على طريقة متابتها

الاقتراحات

omraneya.net

• يعيبه أنه مش معبر عن علاقته بالتجميع و المدونات

حاجة من مصدر دون

• تم استهلاك عدد كبير من الأسامي دي زي tadwen و modawanat
• modawenstan.net
• modawenkhan.net

حاجة من مصدر blog

• تواليف blog أو blogger مع egy استهلكت برضه
• blogeg.net (.com محجوز)
• blogstan.net (.com مستخدم لخدمة ايراني)

حاجة من مصدر جمع

• mogama3.net
• magma3.net
• يمكن كلمة مجمع مش معروفة للدرجة، الناس كانت بتستخدم المجمع من غير معرفة اسمه ولا فهم لهو ايه بالظبط

حاجة من مصدر aggregate

• زي مصدر جمع الكلمة مش معروفة
• مش أسهل كلمة انجليزي أتصور أن نسبة المصريين اللي هيغلطوا فيها مش صغيرة و ده يخليها زي الكلمات العربي المصوتة
• egaggregator.net
• egyaggregator.net

اختصارات

• المهم يكون صوتها لما تتنطق ككلمة لطيف، أغلب نطاقات الثلاث و الأربع حروف استهلكت

حاجة ثانية خالص

• لو هنستخدم حاجة ثانية خالص يبقى عمرانية أولى

عدا blogstan اللي هو هيتلخبط مع خدمة استضافة المدونات الايرانية مش عاجبني حاجة دلوقتي غير omraneya.net هل من اقتراحات أخرى؟

يا جماعة بلاش تردوا على النقاش بالايميل لأن ده مش هيوصل للمجموعة، الشاركة في الحوار لازم تكون على الوب.

أظن العيد خلص و نقدر نشارك كلنا و ننجز بقى

الصفحة دي هنلك فيها اقتراحات و أفكار عن مشاريع فرعية مهم أنها تكون جزء من موقع المجمع لكن مهياش بالضرورة مرتبطة بعملية التجميع أو ارتباطها غير وثيق، الأفكار دي ذكرت في وسط النقاش لأنها بتخدم نفس أهداف المجمع.

النقاش في تفاصيل الأفكار دي مؤجل لحد ما نقطع شوط في النقاش حول المجمع، مش لأن الأفكار دي أقل في الأهمية لا سمح الله، لكن لتبسيط المسألة شوية على الناس الي هتنفذ.

• توفير قائمة بالمدونات المصرية مصنفة بوسوم مفيدة (موسومة جغرافيا مثلا)
• توفير دليل للاتصال بالمدونين يكون مرتبط بالقائمة
• يصبح الموقع مسار وب الذي أرشحه للمهتمين بالتعرف على المدونات (و بالتالي يوفر المجمع التدوينات، و لكن أيضا يجيب أو يشير على إجابات لأسئلة من نوع: أنا كمان عاوز أدون؛ أوصل للمدونين إزاي؟؛ محتاج دعم تقني...)
• أجندة فعاليات عن اى احداث او توقيتات مستقبلية معينة/منتظرة "سواء ليها علاقة بالتدوين او بالصحافة الشعبية او ملهاش يعنى"
• المجمع يسهل للقراء الجدد الوصول للمدونات الناشطة أحيانا نحتاج حلول لمساعدة القراء للوصول للمدونات المتوقفة أيا كان التوقف مؤقت أو على طول
• توفير وسيلة لمتابعة التعليقات على التدوينات لإثراء النقاش في خدمة شبيهة بكوكومنت

المجمع فيه نحنوحتين ثلاثة مرتبطين بفلكلور العمرانية، ده توثيق ليهم

العمرانية

مسقط رأس علاء و موضوع أغنية قبيحة

التنين البمبي

مذكور في نفس الأغنية القبيحة و صار لقب لعلاء لسبب ما

فطاحل

في البداية علاء كان بيقرأ كل التدوينات مؤخرا ضاق بيه الوقت و مقدرش يتابع فعمل تصنيف فيه المدونين اللي بيحب يتابعهم و سمي فطاحل اشارة لخناقة عبثية عند أبو الليل فيها حد حس بالاهانة الشديدة لأستخدام كلمة فطاحل في تدوينة دعائية لدروبال

علامات الاستفهام

بلوجر ابن ستين الكلب بيسمح بعمل تدوينات لا عنوان لها و ده طبعا بيخربق أي مجمع، كود المجمع اتعدل بحيث لو فيه تدوينة بدون عنوان يتحط ??? ???? ?? ???? اشارة الي المدون الراحل سيما اللي عمل أول خناقة علنية ضد المجمع بسبب تصوره عن وجود مؤامرة لطمس تدويناته و ابدال عناوينها بعلامات استفهم، ???? ???? ?? ???? تساوي شتيمة في الرفيق سيما مصوتة بالحروف اللاتينية و مطموسة بعلامات استفهام كجزء من المؤامرة.

جذر ويكي مجمع المدونات المصرية

• استخدم رابط add child page لاضافة صفحات
• لا تخجل من التعديل في الويكي
• راجع قواعد تنسيق الويكي (wiki syntax)

هنا هنحاول نجاوب على ليه مهم نحافظ على وجود المجمع و نصرف عليه فلوس و مجهود و وقت، و لو هنطور و نغير ايه الأهداف اللي عايزين نحققها.

دي مش محاولة لكتابة نص يوصف المجمع دي محاولة لفهم المجموعة اللي بتتناقش دي مهتمة بالموضوع ليه و شايفة ايه، أقترح نبدأ بأن كل واحد يكتب هو بيستخدم المجمع ليه (اذا كان بيستخدمه) و بيرشحه لقراء ليه اذا كان بيرشح و بيرشحه لمدونين يضيفوا نفسهم ليه اذا كان بيرشح برضه.

دي صفحة ويكي أعمل edit للصفحة و ضيف فيها كلامك مباشرة، خلوا التعليقات للأسئلة و التعقيب مش لاضافة أهداف. و لو عاجبك هدف كاتبه حد ثاني بس مش عاجباك الصياغة متتكسفش حرر و عدل في كلام زميلتك النظام هيفضل فاكر كل التعديلات و نقدر نرجع اللي راح لو فيه ضرورة.

الهدف من المجمع (ايه اللى يخلينى استخدم المجمع)

• مَعبر للقراء إلي المدونات المصرية , يساعدهم علي التعرف علي المحتوي الحديث للمدونات , و يفضل جدا أن يكون المحتوي مصنف أو به آلية للتفضيل و التزكية لتدوينات بعينها من قبل القراء أنفسهم .
• دعم المدونات المصرية المسجلة بجعلها مقروءة بشكل أكبر من قبل مستخدمي المجمع ,و مساعدة المدونات الجديدة في تقديم نفسها.
• مساعدة مجموعات مختلفة من المدونين على التشبيك بغرض التعاون و العمل المشترك (من أول مصر مش كده مرورا بمدونات بلا بذائات لحد كلنا ليلى دي كلها حاجات استفادت من وجود مجمع عشان تتعرف على بعض و توصل لجمهور أوسع)

أهلا يا شباب

فيه ناس كثير طنشت لكن عددنا دلوقتي 13 أظن مجموعة كافية لبدأ النقاش

المجمع الجديد أشتغل خلاص على http://www.omraneya.net

طبعا زي ما أنتم شايفين بنستخدم ثيمة دروبال المبدأية و لسه فيه حاجات كثير ناقصة، نخلص بس من العيد و الهيصة و نكمل شغل، اليومين الجايين هطرح عليكم أسئلة و نحاول نطلع بقائمة مهام و ندور على ناس تعملها.

يالله كل سنة و أنتم طيبين و متنسوش تدخلوا برجليكم اليمين http://www.omraneya.net

أثناء المناقشات، تحدث أحدهم عن عدم رغبته في اختيار اسم العمراينة، كعنوان للمجمع الجديد ... أنا اختلف معه بشكل خاص وأري أن الاسم فيه جانب ابداعى لطيف جدا جداً. لكن نبدأ بالنظر إلى الشعار الذي يبدو أن علاء ما زال في حيرة منه "أنا أدون إذن.." لنبدأ بجمع الاقتراحات لـ: -اسم النطاق -الشعار

---

• مقترحات اسم النطاق

-
Manalaaggregator.net
egyaggregator.net-
omranya- blogeg-

---

• الشعارات:

-اتكلم
-عيش وعيشنا ياريس
-دون، تدوين، مدونة
-بلاعة التدوينات.. لكل المدونات

itoot.net/arabic/blogs.toot.php ومبروك عالمجموعة الويكي سينتاكس شغال وكمان نيو لاين في الانبوت فورمات سؤال-احنا هنا بنتكلم عن المجمع ولا عن البلاتفورم على بعضه لو نرتب الموضوعات ففي رأيي هي كالتالي - التمويل fund raising - ماذا يحمل البلاتفورم- موديولز وغيره - الهوستنج وسنينه - الدعم الفني- ما بعد علاء وما بعد ما بعد علاء - ازاي نمأسس البلاتفورم وكل عيد وانتم بخير

أسف يا شباب كان فيه مشكلة في الpermissions أصلي مش متعود على موضوع المجماميع ده، أظن دلوقتي كل حاجة شغالة مظبوط و تقدروا تزوروا http://platform.manalaa.net/blog_aggregator عادي

أهلا عمرو غربية و وائل خليل.

تفتكروا المفروض ندعوا مين ثاني؟

على فكرة عشان تتعاملوا مع المجموعة لازم تزوروا رابط المجمع بعدها بص على الشمال هتلاقي روابط لعمل story و bookpage.

اعمل story لفتح نقاش جديد، book page هنستخدمها كويكي اذا ظهر احتياج و طبعا تقدروا تعلقوا على أي حاجة.

يمكن أعمل مجموعة ثانية للمناقشة في الاستضافة و مواقع دروبال مثلا أو أي اختراع ثاني.

شرح wikisyntax المستخدم هنا